രാഹുല് ആര് നായര്ക്ക് പുതിയ നിയമനം
ക്വാറി ഉടമയില് നിന്നും കൈക്കൂലി വാങ്ങിയ സംഭവത്തില് സ്ഥാനം നഷ്ടപ്പെട്ട മുന് പത്തനംതിട്ട എസ് പി രാഹുല് ആര് നായര്ക്ക് പുതിയ നിയമനം. മലപ്പുറം എം എസ് പി കമാണ്ടന്റായാണ് ആഭ്യന്തര മന്ത്രാലയം രാഹുലിന് നിയമനം നല്കിയത്. നിയമനം സംബന്ധിച്ച് നേരത്തേ സര്ക്കാര് തീരുമാനമെടുത്തിരുന്നെങ്കിലും ഉത്തരവ് ഇറക്കിയിരുന്നില്ല. കൈക്കൂലി വാങ്ങിയ സംഭവത്തില് ഉന്നതതല അന്വേഷണം തുടരുന്നതിനിടെയാണ് പുതിയ നിയമനം.
അടച്ചുപൂട്ടിയ പാറമട തുറന്നു നല്കാന് 17 ലക്ഷം രൂപ കൈക്കൂലി വാങ്ങിയെന്ന റിപ്പോര്ട്ടിലാണ് എസ്പിയുടെ സ്ഥാനം തെറിച്ചത്. സംസ്ഥാന പോലീസ് മേധാവി കെ.എസ്. ബാലസുബ്രഹ്മണ്യം സര്ക്കാരിന് നല്കിയ റിപ്പോര്ട്ടിന്റെ അടിസ്ഥാനത്തിലായിരുന്നു നടപടി. പകരം കണ്ണൂര് കെഎപി നാലാം ബറ്റാലിയന് കമാണ്ടന്റ് ഡോ. എ. ശ്രീനിവാസയെ പത്തനംതിട്ട എസ്പിയായി നിയമിക്കുകയും ചെയ്തിരുന്നു. ആഭ്യന്തരമന്ത്രി രമേശ് ചെന്നിത്തലയുടെ നിര്ദ്ദേശത്താല് സംഭവത്തെക്കുറിച്ച് വിശദമായ അന്വേഷണം വിജിലന്സ് ഡയറക്ടര് വിന്സണ് എം. പോള് തുടരുകയാണ്.
എന്നാല് കൈക്കൂലി കേസില് രാഹുലിനെ ക്വാറി മാഫിയയുടെ സഹായത്തോടെ കുടുക്കിയതാണെന്നും റിപ്പോര്ട്ടുകള് പുറത്തുവന്നിരുന്നു. അനധികൃതമായി പ്രവര്ത്തിക്കുന്ന ക്വാറികള്ക്കെതിരെ എന്നും ശക്തമായ നടപടി സ്വീകരിച്ചിരുന്ന രാഹുല് വെറും 17 ലക്ഷം രൂപയ്ക്ക് ക്വാറി ഉടമകള്ക്ക് മുന്നില് വഴങ്ങുമെന്ന് കരുതുന്നില്ലെന്ന് തന്നെയാണ് സ്ഥലത്തെ പരിസ്ഥിതി പ്രവര്ത്തകര് അടക്കമുള്ളവര് പറയുന്നത്. ക്വാറി, ക്രഷര് യൂണിറ്റുകളെ സഹായിക്കുകയും അവരുടെ സ്വന്തം ആളായി നില്ക്കുകയും ചെയ്യുന്ന ഒരു മുതിര്ന്ന പോലീസ് ഉദ്യോഗസ്ഥനാണ് രാഹുലിനെ കുടുക്കിയതെന്നും റിപ്പോര്ട്ടുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
