പത്മനാഭ സ്വാമി ക്ഷേത്ര ഭരണ ചുമതല ഏറ്റെടുക്കുന്ന കാര്യം ചര്ച്ചചെയ്യുമെന്ന് മുഖ്യമന്ത്രി
പത്മനാഭ സ്വാമി ക്ഷേത്രത്തിന്റെ ഭരണ ചുമതല ഏറ്റെടുക്കുന്ന കാര്യം മന്ത്രിസഭ ചര്ച്ച ചെയ്യുമെന്ന് മുഖ്യമന്ത്രി ഉമ്മന് ചാണ്ടി നിയമ സഭയില് പറഞ്ഞു. ആഗസ്റ്റ് ആറിന് മുമ്പ് ഇക്കാര്യം സുപ്രീം കോടതിയെ അറിയിക്കും. ആറിനാണ് കേസ് സുപ്രീം കോടതി പരിഗണിക്കുന്നത്.
സുപ്രീം കോടതിയുടെ അനുമതിയോടെ ക്ഷേത്രത്തിലെ നിധി ശേഖരം മ്യൂസിയം ആക്കാനുള്ള ആശയം യാഥാര്ത്ഥ്യമാക്കുമെന്നും മുഖ്യമന്ത്രി പറഞ്ഞു.
നിധിശേഖരവുമായി ബന്ധപ്പെട്ട് രാജകുടുംബത്തെ അധിക്ഷേപിക്കുന്നത് നിറുത്തണം. കോടതിയിലെ കേസ് കഴിയുന്നതു വരെ നിഗമനങ്ങളില് എത്തിച്ചേരുന്നത് ശരിയല്ലെന്നും മുഖ്യമന്ത്രി പറഞ്ഞു.
പത്മനാഭസ്വാമി ക്ഷേത്രത്തില് നിന്ന് അമൂല്യവസ്തുക്കള് നഷ്ടപ്പെട്ടെന്ന ആനന്ദബോസിന്റെ റിപ്പോര്ട്ട് സര്ക്കാരിന് ലഭിച്ചിട്ടില്ലെന്ന് മന്ത്രി വി.എസ്.ശിവകുമാര് പറഞ്ഞു. രാജകുടുംബാംഗവുമായി സര്ക്കാരിന് ഒത്തുകളിയില്ലെന്നും ശിവകുമാര് പറഞ്ഞു. ആനന്ദ്ബോസ് സുപ്രീംകോടതിയിലാണ് റിപ്പോര്ട്ട് സമര്പ്പിച്ചത്. ക്ഷേത്രഭരണത്തില് ഇടപെടില്ലെന്ന് ഇടതുസര്ക്കാരിന്റെ ഭരണകാലത്തും റിപ്പോര്ട്ട് നല്കിയിരുന്നതായി മന്ത്രി നിയമസഭയില് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
