യുവാവും വീട്ടമ്മയും തമ്മിലുള്ള സെക്‌സ് ലൈവ് ആയി സോഷ്യല്‍ മീഡിയയില്‍ എത്തിയതാണ് ഇപ്പോഴത്തെ പ്രധാനപ്പെട്ട ചര്‍ച്ചാവിഷയം. ഫേസ്ബുക്ക് ലൈവില്‍ സെക്‌സ് ചെയ്തു എന്നായിരുന്നു പുറത്ത് വന്ന വാര്‍ത്തകള്‍. യുവതിയുടെ പരാതിയില്‍ യുവാവിനെ പോലീസ് അറസ്റ്റ് ചെയ്യുകയും ചെയ്തു. എന്നാല്‍ ആ വീഡിയോ പുറത്ത് വന്നത് ഫേസ്ബുക്ക് ലൈവിലൂടെ ആയിരുന്നില്ല എന്നതാണ് സത്യം. ആര്‍ക്കും ഡൗണ്‍ലോഡ് ചെയ്യാന്‍ ആവില്ലെന്ന് കരുതി ചെയ്ത സെക്‌സ് സ്ട്രീമിങ് പക്ഷേ രണ്ട് പേര്‍ക്കും കൊടുത്തത് എട്ടിന്റെ പണിയായിരുന്നു. ബീഗോ ലൈവ് എന്ന ലൈവ് സ്ട്രീമിങ് ആപ്പ് വഴി ആയിരുന്നു ആ സെക്‌സ് വീഡിയോ ലൈവ് ആയി പുറത്ത് വിട്ടത്. പക്ഷേ, അത് എങ്ങനെ റെക്കോര്‍ഡ് ചെയ്യപ്പെട്ട് പുറത്തെത്തി? വീഡിയോ പുറത്തെത്തില്ലെന്ന പ്രതീക്ഷയില്‍ ആയിരുന്നിരിക്കണം രണ്ട് പേരും ചേര്‍ന്ന് അത്തരം ഒരു സാഹസം കാണിച്ചത്. പക്ഷേ, സാങ്കേതിക വിദ്യ ഇത്രത്തോളും പുരോഗമിച്ച ഒരു കാലത്ത് അവര്‍ ചെയ്തത് ശുദ്ധ മണ്ടത്തരം തന്നെ ആയിരുന്നു.

നെടുങ്കണ്ടത്ത് ഹോട്ടൽ പണിക്കാരനായ ലിനു ഫേസ്ബുക്ക് വഴിയാണ് അടിമാലിയിലെ ഒരു വസ്ത്ര വ്യാപാര സ്ഥാപനത്തിൽ ജോലി ചെയ്തിരുന്ന ഒരു കുട്ടിയുടെ മാതാവ് കൂടിയായ സ്ത്രീയെ പരിചയപ്പെട്ടത്. ഭർത്താവുമായി പിണങ്ങി നില്‍ക്കുകയായിരുന്ന ഇവര്‍ ലിനുവുമായി അടുത്തു. തുടര്‍ന്ന് ലിനു അടിമാലിയിലെ വാടക വീട്ടിലെത്തി വീട്ടമ്മയുമായി ശാരീരികമായി ബന്ധത്തില്‍ ഏര്‍പ്പെടുന്നത് പതിവായി. ഇത് യുവതിയുടെ അറിവോടെ പലതവണ മൊബൈലിൽ ചിത്രീകരിക്കുകയും ചെയ്തു. ഏതാനും ദിവസം മുന്പ് ആരുമില്ലാത്ത സമയത്ത് രാജാക്കാട്ടിലെ വീട്ടിൽ ഇരുവരും ഒത്തുചേർന്ന സമയത്തും അശ്ലീല ദൃശ്യങ്ങൾ പകർത്തി. ഇതിനിടെ പല സ്ഥലങ്ങളിലേക്കും യാത്രയും ചെയ്തു. കഴിഞ്ഞ ചതയദിനത്തിൽ വാടക വീട്ടിലെത്തിയപ്പോൾ പകർത്തിയ ദൃശ്യങ്ങളാണ് ലൈവായി സ്ട്രീം ചെയ്തത്. ഇത് ആളുകള്‍ ഡൌണ്‍ലോഡ് ചെയ്ത് വാട്സ്ആപ്പിലും ഇട്ടതോടെ സംഭവം വൈറലായി.

ഇതോടെ യുവതി പോലീസില്‍ പരാതി നല്‍കുകയായിരുന്നു. വിവാഹ വാഗ്ദാനം നൽകി പീഡിപ്പിച്ചുവെന്നാണ് യുവതി അടിമാലി സ്റ്റേഷനില്‍ നല്‍കിയ പരാതി. ലൈവില്‍ അറിയാതെ ഉള്‍പ്പെട്ട് പോയ യുവതിയുടെ ഇരട്ടസഹോദരിയും പോലീസില്‍ പരാതി നല്‍കിയിരുന്നു. പരാതി നൽകിയതറിഞ്ഞ ലിനു തമിഴ്നാട്ടിലേക്ക് കടക്കാൻ ശ്രമിച്ചു. ഇത് മനസിലാക്കിയ പോലീസ് പ്രശ്നം പരിഹരിക്കാന്‍ ചര്‍ച്ചയ്ക്കെന്ന വ്യാജേന പ്രതിയെ വിളിച്ചുവരുത്തി കസ്റ്റഡിയില്‍ എടുക്കുകയായിരുന്നു.

വീട്ടമ്മയോടൊപ്പമുള്ള അശ്ലീല രംഗം മൊബൈലിൽ പകർത്തുന്നതിനിടെ അബദ്ധത്തില്‍ സോഷ്യല്‍ മീഡിയയില്‍ ലൈവ് ആയി അപ്‌ലോഡ്‌ ആകുകയായിരുന്നുവെന്ന് കേസില്‍ പിടിയിലായ യുവാവിന്റെ മൊഴി. യുവാവിന്റെ ഫോണ്‍ പരിശോധിച്ചപ്പോൾ പോലീസ് പോലും ഞെട്ടിയെന്നാണ് പുറത്തുവരുന്ന റിപ്പോർട്ടുകൾ.  മെമ്മറി മുഴുവന്‍ യുവതിയുമൊത്തുള്ള രഹസ്യ വേഴ്ച്ചകളുടെ വെവ്വേറെ ദൃശ്യങ്ങളായിരുന്നു. സംഭവത്തെക്കുറിച്ച് പോലീസ് വിശദമായ അന്വേഷണം ആരംഭിച്ചിട്ടുണ്ട്.