പ്ലസ് വണ് ട്രയല് അലോട്ട്മെന്റ് പ്രസിദ്ധീകരിച്ചു...
ഈ അധ്യയന വര്ഷത്തെ ഹയര്സെക്കണ്ടറി പ്രവേശനത്തിന്റെ ട്രയല് അലോട്ട്മെന്റ് പ്രസിദ്ധീകരിച്ചു. ഹയര്സെക്കന്ഡറി പ്രവേശന വെബ്സൈറ്റിലെ കാന്ഡിഡേറ്റ് ലോഗിന് പേജില് രജിസ്റ്റര് ചെയ്തിട്ടുള്ള ഫോണ് നമ്പറും പാസ് വേര്ഡും നല്കി അലോട്ട്മെന്റ് റിസള്ട്ട് പരിശോധിക്കാവുന്നതാണ്.
ജൂണ് രണ്ടിന് പ്രസിദ്ധീകരിക്കുന്ന ആദ്യ അലോട്ട്മെന്റിന്റെ സാധ്യത പട്ടിക മാത്രമാണിത്. എന്നാല് അപേക്ഷ വിവരങ്ങളില് തെറ്റു കടന്നുകൂടിയിട്ടുണ്ടെങ്കില് തിരുത്തുന്നതിന് അവസരമുണ്ട്. ഓപ്ഷനുകള് പുനഃക്രമീകരിക്കുന്നതിനും കഴിയും. അപേക്ഷാ വിവരങ്ങള് അപൂര്ണ്ണമായി നല്കിയ വിദ്യാര്ഥികള്ക്കും ഈ ഘട്ടത്തില് അപേക്ഷ പൂര്ത്തിയാക്കി കണ്ഫര്മേഷന് നടത്താം. ഓപ്ഷനുകള് ഉള്പ്പെടെയുള്ള തിരുത്തലുകള് ആവശ്യമുള്ളവര്, കാന്ഡിഡേറ്റ് ലോഗിന് ചെയ്ത ശേഷം ആവശ്യമായ തിരുത്തലുകള് മെയ് 28, വൈകുന്നേരം 5 ന് മുന്പായി വരുത്തണം.
അപേക്ഷ നല്കിയിട്ടുള്ള എല്ലാ വിദ്യാര്ഥികളും ട്രയല് അലോട്ട്മെന്റ് റിസള്ട്ട് പരിശോധിക്കുകയും വേണം. വൊക്കേഷണല് ഹയര്സെക്കന്ഡറി പ്രവേശനത്തിന്റെയും ട്രയല് അലോട്ട്മെന്റും പ്രസിദ്ധീകരിച്ചിട്ടുണ്ട്.
"
https://www.facebook.com/Malayalivartha
