രാത്രി അമ്മയോടൊപ്പം ഉറങ്ങിക്കിടന്നിരുന്ന മൂന്നു വയസുകാരിയെ തട്ടിക്കൊണ്ടുപോയി പീഡിപ്പിച്ച സംഭവത്തില്‍ പതിനാലു പേരെ പോലീസ്‌ കസ്‌റ്റഡിയിലെടുത്തു. വളരെ ക്രൂരമായ പീഡനങ്ങള്‍ ഏല്‍ക്കേണ്ടിവന്ന കുട്ടിക്ക്‌ കോഴിക്കോട്‌ മെഡിക്കല്‍ കോളേജില്‍ രണ്ട്‌ അടിയന്തിര ശസ്‌ത്രക്രിയ നടത്തി. ഇതുവരേയും കുട്ടി അപകട നില തരണം ചെയ്‌തിട്ടില്ലെന്ന്‌ ആശുപത്രി അധികൃതര്‍ പറഞ്ഞു.

കഴിഞ്ഞ ദിവസമാണ്‌ ഒരു കടയുടെ വരാന്തയില്‍ ഉറങ്ങികിടക്കുകയായിരുന്ന നാടോടി കുടുംബത്തിലെ കുട്ടിയെ തട്ടിക്കൊണ്ടു പോയി ക്രൂരമായി പീഡിപ്പിച്ചത്‌. അടുത്ത ദിവസം സമീപത്തുള്ള മൂത്രപുരയില്‍ നിന്ന്‌ അവശയായ നിലയില്‍ കുട്ടിയെ കണ്ടത്തുകയായിരുന്നു. ഇവിടെ പതിവായി മദ്യം കഴിക്കുകയും ലഹരി മരുന്ന്‌ ഉപയോഗിക്കുകയും ചെയ്യുന്ന പതിനാലു പേരെയാണ്‌ പോലീസ്‌ കസ്‌റ്റഡിയിലെടുത്ത്‌ ചോദ്യം ചെയ്യുന്നത്‌.