17 വർഷത്തെ ഇടവേളയ്ക്ക് ശേഷം ഇന്ത്യ ആതിഥേയത്വം വഹിക്കുന്ന ലോക ബാഡ്മിന്റൺ ചാമ്പ്യൻഷിപ്പിന് തിങ്കളാഴ്ച ഡൽഹിയിൽ തുടക്കം. ടോപ് സീഡുകളായ ഷി യുകിയും ആൻ സെ യങ്ങും മുൻ ലോകചാമ്പ്യൻ പിവി സിന്ധുവും ആദ്യദിനം തന്നെ കളത്തിലിറങ്ങും. ‌‌

ഇന്ത്യൻ താരങ്ങളിൽ മലയാളികളായ ട്രീസ ജോളിയും എംആർ അർജുനും മത്സരിക്കുന്നുണ്ട്. 2019ലെ ലോകചാമ്പ്യൻ പിവി സിന്ധു വനിതാ സിംഗിൾസിന്റെ ആദ്യ റൗണ്ടിൽ അയർലൻഡിന്റെ ലോക 141-ാം റാങ്കുകാരി സോഫിയ നോബിളിനെ നേരിടും.

ലോക ചാമ്പ്യൻഷിപ്പിൽ ആറാം മെഡൽ നേടുന്ന ആദ്യ വനിതാ സിംഗിൾസ് താരമാകാനുള്ള അവസരമാണ് സിന്ധുവിന് മുന്നിലുള്ളത്. അഞ്ച് ലോക ചാമ്പ്യൻഷിപ്പ് മെഡലുകളുമായി ചൈനയുടെ ഇതിഹാസ താരം ഷാങ് നിങിനൊപ്പമാണ് സിന്ധു നിലവിൽ.