ഞാന് എല്ലാം കണ്ടു... ദിലീപിനെതിരെ ചാര്ളി രഹസ്യമൊഴി നല്കി; നടിയെ ആക്രമിച്ച കേസില് ചാര്ളി മാപ്പുസാക്ഷി
കൊച്ചിയില് നടിയെ ആക്രമിച്ച കേസില് ദിലീപിനെതിരെ ഏഴാം പ്രതി ചാര്ളി രഹസ്യമൊഴി നല്കി. ദിലീപിന്റെ ക്വട്ടേഷനാണെന്ന് പള്സര് സുനി പറഞ്ഞതായാണ് ചാര്ളി മൊഴി നല്കിയത്. കോയമ്പത്തൂരില് ചാര്ളിയുടെ വീട്ടിലാണ് സുനി ഒളിവില് കഴിഞ്ഞിരുന്നത്. നടിയെ ആക്രമിച്ചതിന്റെ മൂന്നാം ദിവസമാണ് ക്വട്ടേഷന്റെ വിവരം സുനി തന്നോട് പറഞ്ഞതെന്നും ചാര്ളി മൊഴി നല്കി. നടിയുടെ ദൃശ്യങ്ങളും കാണിച്ചിരുന്നു. ഒന്നരക്കോടിയാണ് ക്വട്ടേഷന് തുകയെന്നും പറഞ്ഞിരുന്നു. ഫെബ്രുവരി 17നാണ് നടിയെ ആക്രമിച്ച സംഭവം നടന്നത്.
അതേസമയം കേസില് ചാര്ളിയെ മാപ്പുസാക്ഷിയാക്കുമെന്നാണ് വിവരം. ചാര്ളി പൊലീസ് പിടിയിലായപ്പോഴും ദിലീപിന് പങ്കുണ്ടെന്ന് മൊഴി നല്കിയിരുന്നു. എന്നാല് അന്വേഷണസംഘം ആദ്യം ഈ മൊഴി അവഗണിക്കുകയായിരുന്നു. ഉന്നത ഇടപെടലിനെ തുടര്ന്നാണ് മൊഴിയില് അന്വേഷണം നടത്താതിരുന്നത്. അതേസമയം ദിലീപിന്റെ ജാമ്യം റദ്ദാക്കുന്നതിന്റെ സാധ്യത സംബന്ധിച്ചു പൊലീസ് നിയമോപദേശം തേടി. കേസിലെ സ്പെഷ്യല് പ്രോസിക്യൂട്ടറോട് ഇതുസംബന്ധിച്ചു റിപ്പോര്ട്ട് നല്കാന് ആവശ്യപ്പെട്ടതായി ഡിജിപി ലോക്നാഥ് ബെഹ്റ പറഞ്ഞു.
വിധി പകര്പ്പ് അദ്ദേഹത്തിനു കൈമാറി. ഹൈക്കോടതിയാണ് ദിലീപിന് ജാമ്യം അനുവദിച്ചത്. അതിനാല് ഇക്കാര്യത്തില് തുടര്നടപടി എന്തു വേണമെന്ന് വിശദമായി ആലോചിക്കണം. റിപ്പോര്ട്ട് ലഭിച്ചശേഷം സര്ക്കാരുമായി ചര്ച്ചചെയ്യും. ജാമ്യം റദ്ദാക്കാന് സര്ക്കാരാണു തുടര് നടപടിയെടുക്കേണ്ടത്. ദിലീപിനു ജാമ്യം ലഭിച്ച സാഹചര്യത്തില് 90 ദിവസത്തിനകം കുറ്റപത്രം നല്കണമെന്ന സമ്മര്ദം ഇപ്പോള് പൊലീസിനില്ലെന്നും ഉചിത സമയത്തു കുറ്റപത്രം നല്കുമെന്നും അദ്ദേഹം പറഞ്ഞു.
https://www.facebook.com/Malayalivartha
