അംഗീകാരമില്ലാത്ത സ്കൂളുകള് ഉടന് അടച്ചു പൂട്ടാന് പൊതു വിദ്യാഭ്യാസ ഡയറക്ടറുടെ ഉത്തരവ്
അംഗീകാരമില്ലാത്ത സ്കൂളുകള് ഉടന് അടച്ചുപൂട്ടി റിപ്പോര്ട്ട് നല്കാന് പൊതു വിദ്യാഭ്യാസ ഡയറക്ടറുടെ ഉത്തരവ്. കഴിഞ്ഞ ദിവസം ഇ മെയില് വഴിയെത്തിയ ഉത്തരവ് ഡി.ഡി.ഇ ഓഫിസ് വഴി ഡി.ഇ.ഒ, എ.ഇ.ഒ ഓഫിസുകളിലെത്തി. 15 ദിവസത്തിനകം നടപടി സ്വീകരിച്ച് റിപ്പോര്ട്ട് നല്കാനാണ് നിര്ദേശം. അംഗീകാരമില്ലാത്ത സി.ബി.എസ്.ഇ സ്കൂളുകള്ക്കും ഇത് ബാധകമാണെന്ന് ഡി.പി.ഐയുടെ ഉത്തരവില് പറയുന്നു.
അംഗീകാരമില്ലാത്ത െ്രെപമറി സ്കൂളുകള് കണ്ടെത്തി നടപടിയെടുക്കേണ്ടത് ബന്ധപ്പെട്ട എ.ഇ.ഒമാരാണ്. ഹൈസ്കൂളുകള്ക്കെതിരെ ഡി.ഇ.ഒ നടപടിയെടുക്കണം. ചില സ്വകാര്യ ഇംഗ്ലീഷ് മീഡിയം സ്കൂളുകള് സി.ബി.എസ്.ഇ അംഗീകാരമില്ലാതെ പ്രവര്ത്തിക്കുന്നുണ്ട്. ഇവക്ക് അടച്ചുപൂട്ടല് നോട്ടീസ് നല്കും. സംസ്ഥാന സര്ക്കാറിന്റെ നിരാക്ഷേപപത്രമുള്ള സി.ബി.എസ്.ഇ സ്കൂളുകള്ക്കെതിരെ നടപടിയെടുക്കില്ല.
അംഗീകാരമില്ലാത്ത സ്കൂളുകളില് കുട്ടികളെ പഠിപ്പിക്കരുതെന്നും യോഗ്യത ഇല്ലാത്ത അധ്യാപകരെ പ്രവര്ത്തിപ്പിക്കാന് അനുവദിക്കരുതെന്നുമുള്ള വിദ്യാഭ്യാസ അവകാശനിയമത്തിലെ ചട്ടങ്ങളുടെ അടിസ്ഥാനത്തിലാണ് സ്വകാര്യ സ്കൂളുകള് അടച്ചുപൂട്ടുന്നത്.
ഇതുമായി ബന്ധപ്പെട്ട് സംസ്ഥാന ബാലാവകാശ സംരക്ഷണ കമീഷന്റെ മാര്ഗനിര്ദേശവും അടച്ചുപൂട്ടലിന് പിന്ബലമായി ഡി.പി.ഐയുടെ ഉത്തരവില് പറയുന്നു.ജില്ല കലക്ടറുമായി കൂടിയാലോചിച്ച ശേഷമായിരിക്കും നടപടി സ്വീകരിക്കുക. ഇടതുസര്ക്കാര് അധികാരത്തിലെത്തിയതോടെയാണ് അംഗീകാരമില്ലാത്ത സ്കൂളുകള്ക്കെതിരെ നടപടിയെടുക്കാന് തീരുമാനിച്ചത്.
അതേസമയം, ഇത്തരം സ്കൂളുകളില് പഠിക്കുന്ന കുട്ടികളെ എങ്ങോട്ടു മാറ്റുമെന്നതു സംബന്ധിച്ച് ഉത്തരവില് വ്യക്തതയില്ല.
https://www.facebook.com/Malayalivartha
