മലയാളികള് അന്യ സംസ്ഥാന തൊഴിലാളികളെ കൊലപ്പെടുത്തുന്നതായി വ്യാജ പ്രചാരണം
മലയാളികള് ഇതരസംസ്ഥാന തൊഴിലാളികളെ കൂട്ടത്തോടെ കൊലപ്പെടുത്തുന്നുവെന്ന് വ്യാജ പ്രചാരണം. ഇതേ തുടര്ന്ന് തൊഴിലാളികളില് ഏറെ പേരും നാട്ടിലേക്ക് മടങ്ങുന്നു. എന്തിനും ഏതിനും ബംഗാളികളില്ലെങ്കില് നടക്കില്ലെന്നായ മലയാളികള്ക്ക് ഇത് കടുത്ത പ്രഹരമായി. ഉത്തരേന്ത്യന് സംസ്ഥാനങ്ങളില് വാട്സാപ്പ് ഗ്രൂപ്പ് വഴിയാണ് കേരളത്തിനെതിരെ ഇത്തരത്തില് വ്യാജ പ്രചാരണം നടക്കുന്നത്.
ഇതോടെ സമൂഹമാധ്യമങ്ങളിലൂടെയുള്ള പ്രചാരണം തടയണമെന്ന് ആവശ്യപ്പെട്ട് ഹോട്ടല് ആന്റ് റസ്റ്റോറന്റ് അസോസിയേഷന് കോഴിക്കോട് പൊലീസിന് പരാതി നല്കി.
സംസ്ഥാനത്ത് ലേബര് ക്യാംപുകളില് വേണ്ടത്ര സൗകര്യങ്ങളില്ലാതെ ഇതര സംസ്ഥാന തൊഴിലാളികളെ പാര്പ്പിക്കുന്നതു മൂലമുള്ള പ്രശ്നങ്ങള് കോടതി പോലും നേരത്തെ ഇടപെട്ടിരുന്നു. അമ്പലമുകളില് ശുചിമുറി സൗകര്യം പോലുമില്ലാത്ത കെട്ടിടത്തില് ഇരുനൂറോളം പേരെ പാര്പ്പിച്ചിരിക്കുകയാണെന്ന് ആരോപിച്ച് സമീപവാസിയായ എം.എ.ജോസ്, അഡ്വ. സജി വര്ഗീസ് മുഖേന സമര്പ്പിച്ച ഹര്ജിയാണു കോടതിയിലുള്ളത്.
അനാരോഗ്യകരമായ സാഹചര്യങ്ങളില് ഇടപെടാന് പഞ്ചായത്തിന് അധികാരമുണ്ടെന്നു കോടതി പറഞ്ഞു. പരിസരവാസികള്ക്കു ദോഷമില്ലെന്നും പകര്ച്ചവ്യാധികളുണ്ടാകുന്ന സാഹചര്യമില്ലെന്നും ഉറപ്പാക്കാന് തദ്ദേശസ്ഥാപനങ്ങള്ക്കു ബാധ്യതയുണ്ട്. രണ്ടാംതരം പൗരന്മാരെന്ന അവഗണന ഇതരസംസ്ഥാന തൊഴിലാളികളെ ക്രിമിനല് നടപടികളിലേക്കു നയിക്കുന്നതു തിരിച്ചടിയുണ്ടാക്കുമെന്നും ഏറെ വിവാദമായ സമീപകാല സംഭവം എടുത്തു പറയുന്നില്ലെന്നും കോടതി വ്യക്തമാക്കിയിരുന്നു.
ഇതരസംസ്ഥാന തൊഴിലാളികളുടെ മനുഷ്യാവകാശങ്ങളും മൗലികാവകാശങ്ങളും ലംഘിക്കപ്പെടുന്നതിനൊപ്പം സംസ്ഥാനത്തു വളര്ന്നുവരുന്ന വലിയ സാമൂഹിക പ്രശ്നം കൂടിയാണിതെന്നു കോടതി പറഞ്ഞു. സമൂഹം ഇവരെക്കൂടി മുഖ്യധാരയുടെ ഭാഗമാക്കണം. ഇത്തരക്കാര് ലഹരി, കുറ്റകൃത്യങ്ങള്, പകര്ച്ചവ്യാധി എന്നിവയ്ക്കു സാഹചര്യമൊരുക്കുന്നതു തടയണമെന്നും കോടതി അഭിപ്രായപ്പെട്ടിരുന്നു.
https://www.facebook.com/Malayalivartha
