വി.എസ്. അച്യുതാനന്ദന്‍ ഇന്ന് 95 വയസ് തികയുന്നു. ആഘോഷങ്ങളൊന്നും ഇല്ലാത്ത പിറന്നാളാണ് ഇത്തവണയും. വീട്ടുകാര്‍ക്കൊപ്പം ഔദ്യോഗികവസതിയായ കവടിയാര്‍ ഹൗസില്‍ ഉച്ചയൂണ്. ഉച്ചയൂണിന് അധികമായി പായസമുണ്ടാകും.

എല്ലാ ദിവസത്തെയും പോലെയാണ് ഇന്നും വി.എസിന്. വൈകിട്ട് പ്രസ്‌ക്ലബില്‍ ഒരു പുസ്തകപ്രകാശനച്ചടങ്ങുണ്ട്. ഇരിഞ്ചയം രവി രചിച്ച ഗുരുമാനസം എന്ന നോവലിന്റെ പ്രകാശനം.1923 ഒക്ടോബര്‍ 20നാണ് ആലപ്പുഴ ജില്ലയിലെ പുന്നപ്രയില്‍ ശങ്കരന്റെയും അക്കമ്മയുടെയും മകനായി വേലിക്കകത്ത് ശങ്കരന്‍ അച്യുതാനന്ദന്റെ ജനനം. നാലാം വയസില്‍ അമ്മയെയും 11ാം വയസില്‍ അച്ഛനെയും നഷ്ടപ്പെട്ടു. 

7ാം വയസില്‍ പഠനം നിറുത്താന്‍ നിര്‍ബന്ധിതനായ അച്യുതാനന്ദന്‍ പിന്നീട് ജ്യേഷ്ഠന്റെ തയ്യല്‍ക്കടയില്‍ സഹായിയായി. കുട്ടനാട്ടിലെ കര്‍ഷകത്തൊഴിലാളികളെയും കയര്‍ത്തൊഴിലാളികളെയും സംഘടിപ്പിച്ചുകൊണ്ടാണ് രാഷ്ട്രീയരംഗത്തേക്ക് വി.എസ് കടക്കുന്നത്. 1964ല്‍ കമ്യൂണിസ്റ്റ് പാര്‍ട്ടി പിളര്‍ന്നപ്പോള്‍ ദേശീയ കൗണ്‍സിലില്‍ നിന്നിറങ്ങിപ്പോന്ന 32 പേരില്‍ ജീവിച്ചിരിക്കുന്ന ഒരേയൊരാള്‍ വി.എസ് ആണ്.

പാര്‍ട്ടിയുടെ പരമോന്നത സമിതിയായ പോളിറ്റ് ബ്യൂറോ അംഗമായിരുന്ന അച്യുതാനന്ദനെ പാര്‍ട്ടി സംസ്ഥാന സെക്രട്ടറി പിണറായി വിജയനുമായുള്ള അഭിപ്രായഭിന്നത പരസ്യപ്രസ്താവനയിലൂടെ വെളിവാക്കിയതിന്റെ പേരില്‍ സമിതിയില്‍ നിന്നും 2007 മേയ് 26നു താല്‍ക്കാലികമായി പുറത്താക്കിധ6പ അച്ചടക്ക നടപടിക്കു വിധേയനായെങ്കിലും പാര്‍ട്ടി നിയോഗിച്ച മുഖ്യമന്ത്രി സ്ഥാനത്ത് അച്യുതാനന്ദന്‍ തുടര്‍ന്നു.

പാര്‍ട്ടി അച്ചടക്കലംഘനത്തെത്തുടര്‍ന്ന് സി.പി.ഐ.എം പോളിറ്റ് ബ്യൂറോ, 2009 ജൂലൈ 12ന് വി.എസിനെ പോളിറ്റ് ബ്യൂറോയില്‍ നിന്നു പുറത്താക്കുകയും, കേന്ദ്രകമ്മറ്റിയിലേക്ക് തരം താഴ്ത്തുകയും ചെയ്തുധ8പ. എന്നാല്‍ വി.എസിന് കേരള മുഖ്യമന്ത്രിയായി തുടരാമെന്ന് പി.ബി വ്യക്തമാക്കിധ8പ. അച്ചടക്കലംഘനത്തെത്തുടര്‍ന്ന് 2012 ജൂലൈ 22ന് ചേര്‍ന്ന കേന്ദ്രകമ്മറ്റി വി.എസിനെ പരസ്യമായി ശാസിക്കാനുള്ള പോളിറ്റ് ബ്യൂറോ തീരുമാനം അംഗീകരിച്ചു.