വിഎസ് അച്യുതാനന്ദന്‍ എന്ന ധീരസഖാവ് എന്നും മലയാളികള്‍ക്ക് ആവേശമാണ്.ഈ പ്രായത്തിലും മാഞ്ഞുപോകാത്ത ചുറുചുറുപ്പും ചങ്കൂറ്റവുമാണ് വിഎസിനെ പ്രിയനേതാവായി മാറ്റിയത്. പുതുതലമുറ തീര്‍ച്ചയായും മാതൃകയാക്കേണ്ട വ്യക്തിത്വം തന്നെയാണ് അദ്ദേഹം. തന്റെതായ ഉറച്ച തീരുമാനത്തില്‍ തൊണ്ണൂറ്റിയഞ്ചാം വയസിലും തീ പോലെ ജ്വലിച്ച് നില്‍ക്കുന്നു.പരാജയങ്ങള്‍ ആവര്‍ത്തിച്ച് വന്നപ്പോഴും വിഎസ് ചങ്കൂറ്റത്തോടെ രാഷ്ട്രീയത്തില്‍ പ്രവര്‍ത്തിച്ചു.

പോരാട്ടങ്ങുളുടെ ഓരോ കനല്‍ വഴികള്‍ താണ്ടുമ്പോഴും ചെങ്കൊടി നെഞ്ചോടു ചേര്‍ത്തു പിടിച്ച സഖാവ് വീ എസ് അടിച്ചമര്‍ത്തപ്പെട്ടവന്റെയും പാര്‍ശ്വ വല്‍ക്കരിപ്പവട്ടവന്റെയും വേദന തന്റെയും കൂടിയാണെന്ന് എപ്പോഴും തിരിച്ചറിഞ്ഞിരുന്നു.വി എസ് എന്ന രണ്ടക്ഷരം മലയാളിയുടെ സമര ഭൂമികകളില്‍ എപ്പോഴും സൂര്യ തേജസ്സോടെ ജ്വലിച്ചു നില്ക്കുന്നു.

മനുഷ്യ വിമോചന പ്രത്യയ ശാസ്ത്രത്തിനു ഏറ്റവും കൂടുതല്‍ വെല്ലു വിളി നേരിടുന്ന ഈ കാലത്ത് വി എസ് ഉയര്‍ത്തിപ്പിടിക്കുന്ന രാഷ്ട്രീയം ഏറ്റവും താഴെ നില്‍ക്കുന്നവന്റെതാണ് എന്നതാണ് യാഥാര്‍ത്ഥ്യം. രാഷ്ട്രീയമാണ് തനിക്കെല്ലാമെന്ന് ഉറച്ച് വിശ്വാസിച്ചു. പാവപ്പെട്ടവരുടെ കണ്ണീര്‍ തുടച്ച് നീക്കാന്‍ വിഎസ് എന്ന പോരാളിയ്ക്ക് കഴിഞ്ഞു. സാധാരണക്കാരുടെ നേതാവാണ് വിഎസ് എന്ന് നാം അറിയണം.

നിലവില്‍ സിപിഎമ്മിന്റെ കേന്ദ്ര കമ്മിറ്റി അംഗമായ ഇദ്ദേഹം കേരളത്തിലെ ജീവിച്ചിരിക്കുന്ന ഏറ്റവും ജനസമ്മതിയുള്ള നേതാവായി വിലയിരുത്തപ്പെടുന്നു. ജനകീയ പ്രശ്‌നങ്ങളിലും പൊതു താല്പര്യമുള്ള വിഷയങ്ങളിലും നിര്‍ഭയം പ്രതികരിക്കുന്ന അച്യുതാനന്ദന് ഒരു ബഹുജനനേതാവിന്റെ പ്രതിച്ഛായ ആര്‍ജിക്കുവാന്‍ കഴിഞ്ഞിട്ടുണ്ട്.

മതികെട്ടാനിലെ ഭൂമി കൈയേറ്റം, പ്ലാച്ചിമടയിലെ കുടിവെള്ള പ്രശ്‌നം, മറയൂരിലെ ചന്ദനക്കൊള്ള തുടങ്ങിയ ജനകീയ പ്രശ്‌നങ്ങള്‍ ബഹുജന ശ്രദ്ധയില്‍ കൊണ്ടുവരുന്നതില്‍ അച്യുതാനന്ദന്‍ നിര്‍ണായക പങ്ക് വഹിച്ചിട്ടുണ്ട്. 2006ലെ പൊതു തെരഞ്ഞെടുപ്പില്‍ ഇടതുപക്ഷമുന്നണിയെ അധികാരത്തിലെത്തിക്കുന്നതില്‍, പ്രതിപക്ഷ നേതാവെന്ന നിലയിലുള്ള അച്യുതാനന്ദന്റെ 5 വര്‍ഷക്കാലത്തെ തിളക്കമാര്‍ന്ന പ്രവര്‍ത്തനം പ്രയോജനപ്പെട്ടിട്ടുണ്ട്.

198092 കാലഘട്ടത്തില്‍ സി.പി.ഐ(എം) സംസ്ഥാന സെക്രട്ടറിയായിരുന്നു അദ്ദേഹം. 1967, 1970, 1991, 2001, 2006, 2011 വര്‍ഷങ്ങളില്‍ സംസ്ഥാന നിയമസഭയിലേക്ക് തെരഞ്ഞെടുക്കപ്പെട്ടു. 1992 മുതല്‍ 1996 വരെയും 2001 മുതല്‍ 2006 വരെയും സഭയില്‍ പ്രതിപക്ഷനേതാവായിരുന്നു. 2001ലും 2006ലും പാലക്കാട് ജില്ലയിലെ മലമ്പുഴ മണ്ഡലത്തില്‍ നിന്നാണ് അദ്ദേഹം തെരഞ്ഞെടുക്കപ്പെട്ടത്. 2006 മെയ് 18 ന് കേരളത്തിന്റെ മുഖ്യമന്ത്രിയായി സത്യപ്രതിജ്ഞ ചെയ്ത് അധികാരമേറ്റു.

അച്ഛന്‍ മരിച്ചതോടെ ഏഴാം ക്‌ളാസ്സില്‍ വച്ച് പഠനം അവസാനിപ്പിച്ച ഇദ്ദേഹം ജ്യേഷ്ഠന്റെ സഹായിയായി കുറെക്കാലം ജൗളിക്കടയില്‍ ജോലി നോക്കി. തുടര്‍ന്നു കയര്‍ ഫാക്ടറിയിലും ജോലി ചെയ്തു. അവിടെ വെച്ചാണ് തൊഴിലാളികളുടെ ദുരിതം തനേരിട്ട് മനസ്സിലാക്കുന്നത്.നിവര്‍ത്തനപ്രക്ഷോഭം നാട്ടില്‍ കൊടുമ്പിരികൊണ്ടിരുന്ന കാലമായിരുന്നു ഇത്. ഇതില്‍നിന്ന് പ്രചോദനം ഉള്‍ക്കൊണ്ട അച്യുതാനന്ദന്‍ 1938ല്‍ സ്‌റ്റേറ്റ് കോണ്‍ഗ്രസ്സില്‍ അംഗമായി ചേര്‍ന്നു. തുടര്‍ന്ന് പുരോഗമന പ്രസ്ഥാനങ്ങളിലും ട്രേഡ് യൂണിയന്‍ പ്രവര്‍ത്തനങ്ങളിലും സജീവമായ ഇദ്ദേഹം 1940ല്‍ കമ്യൂണിസ്റ്റ് പാര്‍ട്ടി മെമ്പറായി.