പോലീസുകാര്‍ എങ്ങനെയാണ് പൊതുജനങ്ങളോട് പെരുമാറേണ്ടതെന്ന് മുഖ്യമന്ത്രി പിണറായി വിജയന്‍ പലതവണ പ്രസംഗിച്ചിട്ടുള്ളതാണ്. എന്നാല്‍ ഒരു ചെവിയില്‍ കൂടി കേട്ട് മറ്റ് ചെവിയില്‍ കൂടി കളയുന്നുവെന്ന് തെളിയിക്കുകയാണ് തിരൂരിലെ സംഭവം.

പോലീസുകാര്‍ മൂന്നാംമുറ പ്രയോഗിച്ചാല്‍ പ്രശ്‌നം ഗുരുതരമാണ്. പന്ത്രണ്ട് വയസ്സുകാരനെ ക്രൂരമായി തല്ലുന്ന വീഡിയോ ഇപ്പോള്‍ വൈറലായി കൊണ്ടിരിക്കുകയാണ്. തിരൂര്‍ പൂക്കയിലെ വീട്ടിലെത്തി പോലീസ് ആദ്യം ചെയ്തത് വാതില്‍ ചവിട്ടി തുറന്നു.പിന്നീട് യുവാവിനെ ക്രൂരമായി മര്‍ദിക്കുകയുംഅസഭ്യം പറയുന്നമായ ദൃശ്യമാണ് സോഷ്യല്‍ മീഡിയയില്‍ ചര്‍ച്ചയായി കൊണ്ടിരിക്കുന്നത്.

അറസ്റ്റ് ചെയ്ത യുവാവിനെതിരെ ആരോപിച്ച എഫ്‌ഐആറിലെ കുറ്റകൃത്യങ്ങള്‍ പൊലീസിന് കോടതിയില്‍ തെളിയിക്കാന്‍ കഴിയാതെ വന്നതോടെ ചിത്രങ്ങളും മറ്റും വിലയിരുത്തി കോടതി യുവാവിന് ജാമ്യം അനുവദിച്ചു.

മദ്രസയിലേക്ക് പോകുന്ന വിദ്യാര്‍ത്ഥിയെ വഴിയില്‍ തടഞ്ഞുനിര്‍ത്തി മര്‍ദിച്ചെന്ന പരാതിയിലാണ് പൂക്കയില്‍ പുതിയകത്ത് അബ്ദുല്‍ റഷീദിനെ അറസ്റ്റ് ചെയ്യാന്‍ കഴിഞ്ഞ ദിവസം രാത്രി പൊലീസ് വീട്ടിലെത്തിയത്.

വീടിന്റെ വാതില്‍ ചവിട്ടി തുറക്കുന്നതും പിന്നീട് മുറിയില്‍ കയറി യുവാവിനെ വലിച്ചിഴയ്ക്കുന്നതും മര്‍ദിക്കുന്നതും വീഡിയോയില്‍ വ്യക്തമാണ്.
പ്രായമായ പിതാവും മാതാവും തടയാന്‍ ശ്രമിക്കുമ്പോള്‍ പൊലീസ് എതിര്‍ക്കുന്നതും അവരുടെ മുന്നിലിട്ട് മര്‍ദിക്കുന്നതും വ്യക്തമാണ്.

മുറിയില്‍ എത്തിയ പൊലീസിനോട് യുവാവ് സ്വമേധയാ വരാമെന്ന് അറിയിച്ചിട്ടും ബലമായി പിടികൂടി വലിച്ചിഴച്ചു. ചോദ്യം ചെയ്യാനെത്തിയ പരിസരവാസികളോട് പൊലീസ് തട്ടിക്കയറുന്നതും വീട്ടുകാരുടെ നിലവിളിയും വിഡിയോയില്‍ വ്യക്തമാണ്. 

എന്നാല്‍, അറസ്റ്റ് ചെയ്യാനെത്തിയപ്പോള്‍ പ്രതിയും വീട്ടുകാരും പൊലീസ് സംഘത്തെ ആക്രമിച്ചെന്നാണ് എഫ്‌ഐആറിലെ കേസ്. വനിത ഉള്‍പ്പെടെ മൂന്നു പൊലീസുകാര്‍ക്ക് പരുക്കേറ്റതായി അറിയിച്ച് തിരൂര്‍ ജില്ലാ ആശുപത്രിയില്‍ പ്രവേശിപ്പിച്ചിരുന്നു. 

എന്നാല്‍ പ്രതിക്കെതിരെ കോടതിയില്‍ തെളിവുകള്‍ നല്‍കാന്‍ പോലീസിന് കഴിഞ്ഞില്ല.തുടര്‍ന്ന് കോടതി ജാമ്യം അനുവദിച്ചു. ഇത് തന്നെ പോലീസിന് തലവേദനയായി മാറിയിരിക്കുകയാണ്.