വീണ്ടും പൊട്ടിത്തെറിയുമായി സരിത എസ് നായര്‍ എത്തുന്നു.സരിത കോണ്‍ഗ്രസിലെ നേതാക്കന്മാരെ കുടുക്കിയത് പോലെ ഇപ്പോള്‍ പ്രവാസി വ്യവസായി എം.എം യൂസഫലിയെയും കുടുക്കാന്‍ പുതിയ നീക്കം നടക്കുന്നതായി ആരോപണം. യൂസഫലിയെ കുടുക്കാന്‍ ചിലര്‍ സരിതയെ സഹായിക്കുന്നുണ്ടെന്നാണ് അറിയുന്നത്.

ഇതിനായി വന്‍ശക്തി തന്നെ സരിതയ്ക്ക് പിന്നിലുണ്ട്. യൂസഫലിക്കെതിരേ എഴുതി തയ്യാറാക്കിയ സ്‌റ്റേറ്റ്‌മെന്റ സരിത പോലീസിന് ഉടന്‍ കൈ മാറുമെന്നാണ് അറിയുന്നത്. ഇതിന് മുമ്പ് യൂസഫലിയുടെ ബിസിനസിന്റെ ഇടനിലക്കാരിയും സര്‍ക്കാരില്‍ മധ്യവര്‍ത്തിയമായി നിന്നതും സരിതയായിരുന്നുവെന്ന് റിപ്പോര്‍ട്ടുകളുണ്ടായിരുന്നു.

കൊച്ചിന്‍ തുറമുഖ ട്രസ്റ്റിന്റെ ഭൂമിയടക്കം യൂസഫലിക്ക് കൈമാറ്റം ചെയ്തതില്‍ ഇടനിലക്കാരിയായി പ്രവര്‍ത്തിച്ചത് താനാണെന്നും അതിനു പകരമായി തന്റെ സോളാര്‍ വ്യവസായത്തിന് പണം നല്‍കാമെന്നു യൂസഫലി ഉറപ്പ് നല്‍കിയിരുന്നുവെന്നുമാണ് സരിത പറഞ്ഞിരുന്നത്.

ഉമ്മന്‍ ചാണ്ടിക്കും യൂസഫലിക്കും ഇടയില്‍ ചില സാമ്പത്തിക ഇടപാടുകള്‍ക്ക് സരിത ഇടനിലക്കാരിയായി നിന്നുവെന്ന് പറയുന്നുണ്ട്. പുതിയ നീക്കങ്ങള്‍ക്ക് പിന്നില്‍ ബ്ലാക്ക്‌മെയില്‍ ആണോ അതോ എം.എ യൂസഫലിയുടെ എതിരാളികളാണോ എന്നും വ്യക്തമല്ല.

ഇത് കൂടാതെ ഉമ്മന്‍ ചാണ്ടിക്കെതിരേയും കെ.ബി. ഗണേഷ് കുമാറിനെതിരേയും മൊഴി നല്‍കിയാല്‍ തനിക്കു രണ്ടു കോടി രൂപ നല്‍കാമെന്നു പി.സി. ജോര്‍ജ് വാഗ്ദാനം ചെയ്‌തെന്നാണു സരിത പറയുന്നത്.