അച്ഛനെ അന്വേഷിക്കുന്നവരുടെ എണ്ണം പെരുകുന്നു! ആശങ്കയോടെ പുതിയ കേരളം
കേരളത്തില്‍ അച്ഛനാരെന്ന്‌ അറിയാത്തവരുടെ എണ്ണം വര്‍ധിക്കുന്നു. എവിടെയോ ജീവിച്ചിരിക്കുന്ന അച്ഛനെ തേടി അലയുകയാണ്‌ കേരളത്തിന്റെ യുവത്വം.
അച്ഛനാരെന്ന്‌ അറിയാത്തവരുടെ എണ്ണം പ്രബുദ്ധ കേരളത്തില്‍ വര്‍ധിച്ചുവരികയാണെന്ന കണക്ക്‌ സംസ്ഥാന പോലീസ്‌ സേനയാണ്‌ പുറത്തു വിട്ടത്‌. തന്തയാരെന്ന്‌ കണ്ടെത്താനുള്ള യാത്ര തുടങ്ങിയവര്‍ക്ക്‌ സഹായവുമായി കേരള പോലീസ്‌ രംഗത്തെത്തുന്നു.
ആഭ്യന്തരവകുപ്പിന്‌ കീഴില്‍ തിരുവനന്തപുരം ഫോറന്‍സിക്‌ ലാബില്‍ മാത്രമാണ്‌ നിലവില്‍ ഡി.എന്‍.എ പരിശോധനയുള്ളത്‌. തൃശൂരിലും കണ്ണൂരിലും കൂടി ഡിഎന്‍എ പരിശോധന തുടങ്ങാനാണ്‌ സര്‍ക്കാര്‍ തീരുമാനം. കോട്ടയത്ത്‌ ആരംഭിക്കാനിരിക്കുന്ന ഫോറന്‍സിക്‌ ലാബിലും ഡിഎന്‍എ പരിശോധന തുടങ്ങുന്നു.
ഒരു മാസം തിരുവനന്തപുരത്ത്‌ മാത്രം 30 കേസുകളാണ്‌ എത്തുന്നത്‌. ഇത്‌ വലിയ കണക്കാണ്‌. കേരളം പോലൊരു സംസ്ഥാനത്ത് മാസം മുപ്പത്‌ പിതൃത്വപരിശോധന നടക്കുന്നുവെന്ന്‌ പറയുന്നത്‌ എല്ലാവരെയും ഞെട്ടിക്കുന്നു. കേരളത്തില്‍ അവിവാഹിതരായ അമ്മമാരുടെ എണ്ണം വര്‍ധിക്കുന്നതായും പരാതിയുണ്ട്‌. ആദിവാസി മേഖലകളിലാണ്‌ അവിവാഹിതമാരുടെ എണ്ണം കൂടികൊണ്ടിരിക്കുന്നത്‌.
കേന്ദ്ര സര്‍ക്കാരിനു കീഴിലുള്ള രാജീവ്‌ ഗാന്ധി ബയോടെക്‌നോളജി സെന്ററില്‍ ഡിഎന്‍എ ടെസ്റ്റ്‌ നടത്തുമെങ്കിലും 5000 മുതല്‍ 10,000 രൂപ വരെ ഇതിനു ചെലവാകും. സാധാരണക്കാര്‍ക്ക്‌ ഇത്‌ താങ്ങാന്‍ കഴിയുന്നതല്ല. പല പരിശോധനകളിലും ഡിഎന്‍എ ടെസ്റ്റിന്റെ ഫലം നിര്‍ണായകമാണ്‌. മാത്രവുമല്ല ഫലം കൃത്യസമയത്ത്‌ കിട്ടാത്തതുകാരണം പല കുറ്റവാളികളും രക്ഷപ്പെടുന്നുണ്ട്‌. പുതിയ ലാബുകള്‍ നിലവില്‍ വന്നാല്‍ ആഭ്യന്തരവകുപ്പിന്‌ എളുപ്പമാവുമെന്നാണ്‌ പോലീസിന്റെ കണക്കുകൂട്ടല്‍.
പിതൃത്വം കണ്ടെത്താന്‍ വേണ്ടി മാത്രമല്ല ഡിഎന്‍എ പരിശോധന നടത്തുന്നത്‌. തിരിച്ചറിയാന്‍ കഴിയാത്ത മൃതദേഹങ്ങള്‍ വിവാഹ അപകടങ്ങളിലും മറ്റും മരിച്ചവരുടെ ശരീരഭാഗങ്ങള്‍ തുടങ്ങിയവ ഡിഎന്‍എ പരിശോധന നടത്താറുണ്ട്‌. എന്നാല്‍ ഇതില്‍ കൂടുതലും പിതൃത്വ പരിശോധനയാണ്‌. ഡിഎന്‍എ പരിശോധന സര്‍ട്ടിഫിക്കറ്റ്‌ വൈകുന്നതു കാരണം കേസുകളുടെ അന്വേഷണം തടസ്സപ്പെടുന്ന സാഹചര്യവും ഉണ്ടായിട്ടുണ്ട്‌. സംസ്ഥാന പോലീസ്‌ മേധാവിയും ഫോറന്‍സിക്കിന്റെ ചുമതലയുള്ള അഡീഷണല്‍ ഡിജിപിയുമാണ്‌ ഫോറന്‍സിക്‌ ലാബ്‌ സ്ഥാപിക്കുന്നതിന്‌ സര്‍ക്കാരില്‍ സമ്മര്‍ദ്ദം തുടരുന്നത്‌. ആയിരകണക്കിനാളുകള്‍ക്ക്‌ ഇതിന്റെ പ്രയോജനം ലഭിക്കുമെന്നതിനാലാണ്‌ പോലീസ്‌ ഇതിനായി സമ്മര്‍ദ്ദം തുടരുന്നത്‌.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
