400 സീറ്റിന്റെ കോഴപ്പണം പോയി... സംസ്ഥാനത്ത് സ്വാശ്രയ മാനേജുമെന്റുകളുടെ 400 മെഡിക്കല്‍ സീറ്റുകള്‍ പോയി, സര്‍ക്കാരിന്‌ 200 സീറ്റുകള്‍ അധികം ലഭിച്ചു
സര്‍ക്കാരും സ്വാശ്രയ മാനേജുമെന്റുകളും തമ്മിലുള്ള അവിശുദ്ധ കൂട്ടുകെട്ടിന്റെ മറവില്‍ നിലവാരമില്ലാതയതോടെ സ്വാശ്രയ മെഡിക്കല്‍ മാനേജുമെന്റുകളുടെ 400 സീറ്റുകള്‍ പോയി. ഒരു അഡ്‌മിഷന്‌ അര കോടിക്ക്‌ മുകളില്‍ വിലയുള്ളപ്പോഴാണ്‌ 400 സീറ്റുകള്‍ നഷ്‌ടമാകുന്നത്‌. അതേസമയം
സംസ്ഥാനത്തു നാലു സര്‍ക്കാര്‍ മെഡിക്കല്‍ കോളജുകളിലായി 200 പുതിയ എംബിബിഎസ്‌ സീറ്റുകള്‍ക്ക്‌ ഇന്ത്യന്‍ മെഡിക്കല്‍ കൗണ്‍സിലിന്റെ അംഗീകാരം നല്കി. ഇന്നലെയാണ്‌ ഇതു സംബന്ധിച്ച ഉത്തരവ്‌ കേന്ദ്ര ആരോഗ്യമന്ത്രാലയം പുറത്തിറക്കിയത്‌. പുതുതായി ആരംഭിക്കുന്ന ഇടുക്കി, പാലക്കാട്‌ മെഡിക്കല്‍ കോളജുകളില്‍ ഉള്‍പ്പെടെയാണു സീറ്റ്‌ അനുവദിച്ചത്‌.
മലപ്പുറത്തു ശ്രീവല്‍സം എഡ്യൂക്കേഷന്‍ ട്രസ്റ്റ്‌, പാലക്കാട്ട്‌ റോയല്‍ മെഡിക്കല്‍ ട്രസ്റ്റ്‌, തിരുവനന്തപുരത്ത്‌ എസ്‌ആര്‍ എഡ്യൂക്കേഷന്‍ ട്രസ്റ്റ്‌ എന്നിവ പുതുതായി സ്വാശ്രയ മേഖലയില്‍ മെഡിക്കല്‍ കോളജിനായി നല്‌കിയ അപേക്ഷ ഇന്ത്യന്‍ മെഡിക്കല്‍ കൗണ്‍സില്‍ അംഗീകരിച്ചില്ല. തിരുവനന്തപുരം കാരക്കോണം സിഎസ്‌ഐ മെഡിക്കല്‍ കോളജില്‍ 50 എംബിബിബിഎസ്‌ സീറ്റുകള്‍കൂടി അനുവദിക്കണമെന്ന അപേക്ഷയും നിരാകരിക്കപ്പെട്ടു.
ഇടുക്കി പൈനാവില്‍ ആരംഭിക്കുന്ന മെഡിക്കല്‍ കോളജില്‍ 50 വിദ്യാര്‍ഥികളെ പ്രവേശിപ്പിക്കുന്നതിന്‌ അനുമതി നല്കി. പാലക്കാട്ട്‌ സംസ്ഥാന പട്ടികജാതി-വര്‍ഗ വകുപ്പിനു കീഴില്‍ ആരംഭിക്കുന്ന മെഡിക്കല്‍ കോളജില്‍ 100 സീറ്റുകള്‍ക്ക്‌ അംഗീകാരം നലകി. മഞ്ചേരി മെഡിക്കല്‍ കോളജില്‍ 100 സീറ്റുകള്‍ക്കാണ്‌ അംഗീകാരം. കോഴിക്കോട്‌ മെഡിക്കല്‍ കോളജില്‍ നിലവിലുള്ള 200 സീറ്റുകള്‍ 250 ആയി വര്‍ധിപ്പിക്കുന്നതിനും ഇന്ത്യന്‍ മെഡിക്കല്‍ കൗണ്‍സില്‍ അംഗീകാരം നല്കി.
അടിസ്ഥാന സൗകര്യം ഒരുക്കിയിട്ടില്ലെന്നു കണ്ടെത്തിയ രാജ്യത്തെ 118 മെഡിക്കല്‍ കോളജുകളിലെ 3820 സീറ്റുകള്‍ ഈ വര്‍ഷം കുറവു ചെയ്‌തു. മെഡിക്കല്‍ കൗണ്‍സില്‍ ഓഫ്‌ ഇന്ത്യയുടെ ശിപാര്‍ശ പ്രകാരമാണു മെഡിക്കല്‍ സീറ്റ്‌ വര്‍ധിപ്പിക്കാനും വെട്ടിക്കുറയ്‌ക്കാനും കേന്ദ്ര ആരോഗ്യ മന്ത്രാലയം നടപടിയെടുത്തത്‌. മെഡിക്കല്‍ കൗണ്‍സില്‍ ഓഫ്‌ ഇന്ത്യ നടത്തിയ പരിശോധനയുടെ അടിസ്ഥാനത്തിലാണ്‌ എംബിബിഎസ്‌ സീറ്റുകള്‍ വെട്ടിക്കുറയ്‌ക്കാന്‍ നടപടിയെടുത്തിരിക്കുന്നത്‌.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
