മദ്യപിക്കാന്‍ പണം നല്‍കാതിരുന്നതിനാണ് ആ മകന്‍ ഈ ക്രൂരത ചെയ്തതു. മദ്യം വാങ്ങാന്‍ കാശ് നല്‍കാത്തതിന് അമ്മയെ കരിങ്കല്ല് കൊണ്ട് തലയ്ക്കിടിച്ച് കൊല്ലുകയായിരുന്നു. മകന് അതിവേഗ കോടതി ജീവപര്യന്തം കഠിനതടവും രണ്ട് ലക്ഷം രൂപ പിഴയും ശിക്ഷ വിധിച്ചു. 

പിഴ ഒടുക്കിയില്ലെങ്കില്‍ രണ്ട് വര്‍ഷം അധിക തടവ് അനുഭവിക്കണം. 2014 ഓഗസ്റ്റ് 26 നാണ് ലില്ലി ആക്രമിക്കപ്പെട്ടത്. മദ്യപിക്കാന്‍ പണം നല്‍കാതിരുന്നതിനാണ് പൂന്തുറ പള്ളിവിളാകം വീട്ടില്‍ ഫ്രാന്‍സിസ് അമ്മ ലില്ലിയെ ആക്രമിച്ചത്.

വീട്ടില്‍ വച്ച് ദേഹോപദ്രവമേറ്റ ലില്ലി മകനെ ഭയന്ന് റോഡിലേക്ക് ഇറങ്ങി ഓടി. പിറകേ കല്ലുമായെത്തിയ ഫ്രാന്‍സിസ് റോഡിലിട്ട് മുഖത്ത് കരിങ്കല്ല് കൊണ്ട് ഇടിച്ച് പരിക്കേല്‍പ്പിച്ചു. അയല്‍വാസി റെയ്മണ്ട് ഇത് തടയാന്‍ ശ്രമിച്ചപ്പോള്‍ അയാളെയും ഒക്കത്ത് ഇരുന്ന മൂന്ന് വയസുകാരി കൊച്ചുമകളെയും പ്രതി ആക്രമിച്ച് പരിക്കേല്‍പ്പിച്ചിരുന്നു.

പ്രതി പിഴതുക ഒടുക്കിയാല്‍ അതില്‍ 50,000 രൂപ ലില്ലിയെ പ്രതിയുടെ ആക്രമണത്തില്‍ നിന്നും രക്ഷിക്കാന്‍ ശ്രമിച്ച റെയ് മണ്ടിന് നല്‍കാന്‍ കോടതി നിര്‍ദ്ദേശിച്ചു. ബാക്കി തുക കൊല്ലപ്പെട്ട ലില്ലിയുടെ അനന്തരാവകാശികള്‍ക്ക് നല്‍കാനും ഉത്തരവായി.

ലില്ലിയുടെ നാലു മക്കളില്‍ ഇളയവനാണ് ഫ്രാന്‍സിസ്. 2014 ഓഗസ്റ്റ് 26നാണ് ലില്ലി ആക്രമിക്കപ്പെട്ടത്. ചികിത്സയിലിരിക്കെ മൂന്നാം ദിവസം അവര്‍ മരിച്ചു. പ്രതിക്കെതിരേ കൊലപാതകം, വധശ്രമം, മാരകമായി പരിക്കേല്പിക്കല്‍ എന്നീ കുറ്റങ്ങളാണ് കോടതി ചുമത്തിയത്.

ചെറുമകളെ സ്‌കൂളില്‍ കൊണ്ടുപോവുന്നതിനിടെ സംഭവം കണ്ട റെയ്മണ്ട് ഫ്രാന്‍സിസിനെ പിടിച്ചുമാറ്റാന്‍ ശ്രമിച്ചു. എന്നാല്‍ ഇയാളെയും ചെറുമകളെയും ഫ്രാന്‍സിസ് കത്തികൊണ്ട് ആക്രമിക്കുകയായിരുന്നു.