ലീഗിനൊപ്പം ഉമ്മന്ചാണ്ടി, വീക്ഷണത്തെ തള്ളി പറഞ്ഞു
ഹയര്സെക്കന്ഡറി സ്ക്കൂള് അനുവദിക്കുന്ന വിഷയത്തില് മുസ്ലീംലീഗിനൊപ്പം നില്ക്കാന് ഉമ്മന്ചാണ്ടി തീരുമാനിച്ചു. കോണ്ഗ്രസിനുള്ളിലെ എ വിഭാഗം നേതാക്കള് ലീഗിനെതിരെ രംഗത്തെത്തിയത് കാര്യമാക്കേണ്ടതില്ലെന്ന് മുഖ്യമന്ത്രി പി.കെ. കുഞ്ഞാലിക്കുട്ടിയെ അറിയിച്ചു. ലീഗിനെതിരെ വീക്ഷണം ദിനപത്രം എഴുതിയ മുഖപ്രസംഗം അനവസരത്തിലാണെന്ന് ഉമ്മന്ചാണ്ടി വീക്ഷണം മാനേജിംഗ് ഡയറക്ടര് എ.സി.ജോസിനെ അറിയിച്ചു. എന്നാല് വീക്ഷണം എഴുതിയതാണ് ശരിയെന്ന് എ.സി.ജോസ് മുഖ്യമന്ത്രിയെ അറിയിച്ചു. ലീഗിന്റെ ഭരണം വിദ്യാഭ്യാസ വകുപ്പിനെ ഈജിയന് തൊഴുത്താക്കിയെന്നാണ് വീക്ഷണത്തിന്റെ ആരോപണം. കോണ്ഗ്രസ് നേതൃത്വത്തിന്റെ അറിവോടെയാണ് വീക്ഷണം മുഖപ്രസംഗം എഴുതിയതെന്ന് പത്രാധിപന്മാര് പറയുന്നു. ഉയര്ന്ന നേതാക്കളെ കാണിച്ചിട്ടാണ് മുഖപ്രസംഗം പ്രസിദ്ധീകരിച്ചതെന്നും പത്രാധിപര് പറഞ്ഞു.
ഇതിനിടെ കേന്ദ്ര സര്ക്കാര് വാഗ്ദാനമായി ഓള് ഇന്ത്യ ഇന്സ്റ്റിറ്റിയൂട്ട് ഓഫ് മെഡിക്കല് സയന്സസ് - എയിംസ്- കോഴിക്കോട് സ്ഥാപിക്കാനും മുഖ്യമന്ത്രി തത്വത്തില് തീരുമാനിച്ചു. വ്യവസായമന്ത്രി പി.കെ. കുഞ്ഞാലിക്കുട്ടിയുടെ സമ്മര്ദ്ദത്തിന് വഴങ്ങിയാണ് എയിംസ് കോഴിക്കോട് കൊണ്ടുപോകാന് മുഖ്യമന്ത്രി തീരുമാനിച്ചത്. എം.കെ. രാഘവന് എംപിയും ഉമ്മന്ചാണ്ടിക്ക് പിന്തുണയുമായെത്തി. ഇതില് ധനമന്ത്രി ക്ഷുഭിതനായി. എയിംസ് കോട്ടയത്ത് സ്ഥാപിക്കാനായിരുന്നു ധനമന്ത്രിയുടെ താല്പര്യം. ജോസ് കെ മാണി എംപി കോട്ടയം എയിംസിനു വേണ്ടിയുള്ള പ്രാരംഭ പ്രവര്ത്തനങ്ങള് നടത്തിയിരുന്നതുമാണ്. ആദ്യഘട്ടത്തില് ഉമ്മന്ചാണ്ടി ഇതിനോട് യോജിച്ചെങ്കിലും പിന്നീട് ലീഗിന്റെ സമ്മര്ദ്ദത്തിന് വഴങ്ങി. ബിജെപി സംസ്ഥാന പ്രസിഡന്റ് വി.മുരളീധരനും എയിംസ് കോഴിക്കോട് സ്ഥാപിക്കുന്നതിനാണ് താല്പര്യം. അദ്ദേഹം കോഴിക്കോട് സ്വദേശിയാണ്.
വീക്ഷണത്തിന്റെ മുഖപ്രസംഗം പുറത്തു വന്നതോടെ കോണ്ഗ്രസിനെതിരെ ലീഗ് നേതാവ് കെ.പി.എ.മജീദ് രംഗത്തെത്തി. വിദ്യാഭ്യാസവകുപ്പിനെ ഒറ്റപ്പെടുത്താന് ശ്രമിക്കരുതെന്നാണ് കെ.പി.എ മജീദ് പറഞ്ഞത്. ഇതിനിടെ സാമ്പത്തിക ബാധ്യതയുടെ പേരില് ഹയര്സെക്കന്ഡറി സ്ക്കൂള് പട്ടികയ്ക്ക് അന്തിമ രൂപം നല്കാന് സര്ക്കാരിന് കഴിഞ്ഞിട്ടില്ല. മൂന്നു ദിവസം തുടര്ച്ചയായി ചര്ച്ച നടത്തിയിട്ടും ഫലമുമ്ടാകാത്തതില് ലീഗ് നേതാക്കള് ക്ഷുഭിതരാണ്. ഇതിനിടെ കോണ്ഗ്രസുകാര് പുതിയ ലിസ്റ്റുമായി രംഗത്തെത്തി. ഇത് അംഗീകരിക്കാനാവില്ലെന്ന് വിദ്യാഭ്യാസമന്ത്രി പറഞ്ഞു. പുതിയ കണക്കനുസരിച്ച് എറണാകുളം ജില്ലയിലാണ് കൂടുതല് സ്ക്കൂളുകള് അനുവദിച്ചിരിക്കുന്നത്. എറണാകുളം കെ. ബാബുവിന്റെ ജില്ലയാണ്. ബാബു ഹയര് സെക്കന്ഡറി സ്ക്കൂള് മന്ത്രി തല ഉപസമിതിയില് അംഗമായിരുന്നു. വെടക്കാക്കി തനിക്കാക്കുകയാണ് ബാബു ചെയ്തതെന്ന് ലീഗ് നേതാക്കള് ആരോപിക്കുന്നു. അതേസമയം തന്റെ മേഖലയില് കൂടുതല് സീറ്റുകള് അനുവദിക്കാന് ബാബു ശ്രമം തുടരുകയാണ്. ഇത് ലീഗിനെ പ്രകോപിപ്പിക്കുന്നു.
ഇതിനിടെ പുതുതായി തുടങ്ങുന്ന സ്കൂളുകളില് അധ്യാപക-അനധ്യാപക നിയമനം അനുവദിക്കാനാവില്ലെന്ന വാശിയിലാണ് ധനമന്ത്രിയും ധനവകുപ്പും ഉള്ളത്. സംസ്ഥാനം കനത്ത സാമ്പത്തിക പ്രതിസന്ധി അനുഭവിക്കുമ്പോള് ഇത്തരം ധൂര്ത്ത് അനുവദിക്കാനാവില്ലെന്ന പിടിവാശിയിലാണ് ധനവകുപ്പ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
