അമ്മയെ ത​ല​യിൽ കല്ലുകൊണ്ട് അടിച്ചു കൊലപ്പെടുത്തിയ ശേഷം മകൻ കിണറ്റിൽച്ചാടി മരിച്ചു. കൊ​ണ്ടോ​ട്ടി​ക്ക​ടു​ത്ത് നീ​റാ​ട് വ​ര​ടി​ക്കു​ത്ത്പ​റ​മ്പ് മാ​പ്പി​ള വീ​ട്ടി​ൽ ആ​യി​ശ​ക്കു​ട്ടി(58) മ​ക​ൻ അ​ബ്ദു​ൾ ഗ​ഫൂ​ർ (42) എ​ന്നി​വ​രാ​ണ് മ​രി​ച്ച​ത്.

മ​ക​ൻ അ​ബ്ദു​ൾ ഗ​ഫൂ​ർ മാ​ന​സി​ക രോ​ഗി​യാ​യിരുന്നു. കി​ഴി​ശേ​രി വെ​സ്റ്റ് മൂ​ച്ചി​ക്കലിലെ ജു​മാ​മ​സ്ജി​ദി​ന്‍റെ കി​ണ​റ്റിലാണ് മകൻ മരിച്ചു കിടന്നത്. തി​ങ്ക​ളാ​ഴ്ച ഉ​ച്ച​യോ​ടെ​ വെ​സ്റ്റ് മൂ​ച്ചി​ക്ക​ൽ മ​സ്ജി​ദി​ൽ ഉ​ച്ച​യ്ക്ക് ന​മ​സ്ക്ക​രി​ക്കാ​നെ​ത്തി​യ​വ​രാ​ണ് കി​ണ​റ്റി​ലെ വെ​ള​ളം ക​ല​ങ്ങി​യ നി​ല​യി​ൽ ക​ണ്ട​ത്. സം​ശ​യാ​സ്പ​ദ​മാ​യി കി​ണ​റ്റി​ന​രി​കി​ൽ ചെ​രി​പ്പും കാ​ണ​പ്പെ​ട്ടു. തു​ട​ർ​ന്ന് പ​രി​ശോ​ധ​ന ന​ട​ത്തി​യ​പ്പോ​ഴാ​ണ് ഗ​ഫൂ​റി​ന്‍റെ മൃ​ത​ദേ​ഹം ക​ണ്ട​ത്. തുടർന്ന് നാട്ടുകാർ പോലീസിനെ അറിയിക്കുകയായിരുന്നു. മ​ല​പ്പു​റ​ത്ത് നി​ന്നു ഫ​യ​ർ​ഫോ​ഴ്സ് എ​ത്തി മൃ​ത​ദേ​ഹം പു​റ​ത്തെ​ടു​ത്തു കോ​ഴി​ക്കോ​ട് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലേ​ക്കു മാ​റ്റി.

അ​ബ്ദു​ൾ ഗ​ഫൂ​റി​ന്‍റെ ഭാ​ര്യ ഫാ​ത്തി​മ സു​ഹ്റ​യു​ടെ വീ​ടി​നു സ​മീ​പ​ത്താ​ണ് ജു​മാ​മ​സ്ജി​ദ്. ഗ​ഫൂ​ർ മ​രി​ച്ച വി​വ​രം വീ​ട്ടി​ൽ അ​റി​യി​ക്കാ​നും വീ​ടു വൃ​ത്തി​യാ​ക്കാ​നു​മാ​യി എ​ത്തി​യ​പ്പോ​ഴാ​ണ് ആ​യി​ശ​ക്കു​ട്ടി​യെ വീ​ടി​നു​ള​ളി​ൽ ത​ല​ക്ക​ടി​യേ​റ്റു മ​രി​ച്ച നി​ല​യി​ൽ ക​ണ്ട​ത്. ആ​യി​ശ​ക്കു​ട്ടി​യു​ടെ മൃ​ത​ദേ​ഹം നീ​റാ​ട് വീ​ടി​നു​ള​ളിലായിരുന്നു. ആ​യി​ശ​ക്കു​ട്ടി​യെ ക​ല്ലു​കൊ​ണ്ട് അ​ടി​ച്ചു കൊ​ല​പ്പെ​ടു​ത്തി​യ​ശേ​ഷം മ​സ്ജി​ദി​ന്‍റെ കി​ണ​റ്റി​ൽ ചാ​ടി ആ​ത്മ​ഹ​ത്യ ചെ​യ്ത​താ​ണെ​ന്ന് പോ​ലീ​സി​ന്‍റെ പ്ര​ഥ​മി​ക നി​ഗ​മ​നം.