സിപിഎമ്മുകാരെ കോടിയേരി ആര്എസ്എസ് ശാഖയിലേക്ക് അയക്കണമെന്ന് കൃഷ്ണദാസ്
സിപിഎം പ്രവര്ത്തകരെ ആര്എസ്എസ് ശാഖയിലേക്ക് അയക്കാന് സംസ്ഥാന സെക്രട്ടറി കോടിയേരി ബാലകൃഷ്ണന് തയ്യാറാകണമെന്ന് ബി.ജെ.പി നേതാവ് പി.കെ കൃഷ്ണദാസ് . ശാരീരിക ക്ഷമത കൈവരിക്കാന് സിപിഎം പ്രവര്ത്തകരെ ആര്എസ്എസ് ശാഖകളിലേക്ക് അയക്കാന് കോടിയേരി ബാലകൃഷ്ണന് തയ്യാറാകണം. സിപിഎം പ്രവര്ത്തകരെ ശാഖകളിലേക്ക് ക്ഷണിക്കുകയാണ്. ശാഖയില് എത്തിയാല് കായിക ക്ഷമത മാത്രമല്ല മാനസിക ക്ഷമത കൂടി കൈവരിച്ച് അവര് നല്ല വ്യക്തികളായി തീരും. അക്രമം ഇല്ലാതാക്കാന് ബാധ്യതയുള്ള ഭരണകക്ഷി നേതാവ് സായുധ കലാപത്തിന് നേതൃത്വം നല്കുകയാണെന്നും ബി.ജെ.പി ദേശീയ നിര്വാഹക സമിതി അംഗമായ പി.കെ കൃഷ്ണദാസ് പറഞ്ഞു.
ആര്എസ്എസിനേയും ബിജെപിയേയും നേരിടാന് അണികളോട് ആയുധമെടുക്കാനാണ് കോടിയേരി ആഹ്വാനം ചെയ്തത്. ഇതിന് കോടിയേരി ബാലകൃഷ്ണനെതിരെ കേസെടുക്കാന് സര്ക്കാര് തയ്യാറാകണം. അധികാരത്തിന്റെ ഹുങ്ക് ഉപയോഗിച്ച് ബിജെപിയെ ശാരീരികമായി ഉന്മൂലനം ചെയ്യാനാണ് കോടിയേരി ശ്രമിക്കുന്നത്. അതിന് മുന്നില് ബിജെപി മുട്ടുമടക്കില്ല. എന്നാല് അത് ജനാധിപത്യ മാര്ഗ്ഗത്തില് കൂടിയായിരിക്കുമെന്നും അദ്ദേഹം പറഞ്ഞു. തിരുവനന്തപുരത്ത് വാര്ത്താ സമ്മേളനത്തില് സംസാരിക്കുകയായിരുന്നു അദ്ദേഹം. ജില്ലാ അദ്ധ്യക്ഷന് അഡ്വ എസ് സുരേഷും അദ്ദേഹത്തിനൊപ്പമുണ്ടായിരുന്നു.
കുറിഞ്ഞി മല അടക്കമുള്ള ഇടുക്കി ജില്ലയിലെ മുഴുവന് കയ്യേറ്റങ്ങളെപ്പറ്റിയും സിബിഐ അന്വേഷണത്തിന് സര്ക്കാര് തയ്യാറാകണമെന്ന് എന്ഡിഎ കോകണ്വീനര് പി കെ കൃഷ്ണദാസ്. ഇരു മുന്നണികളുടേയും നേതാക്കളുടെ ആശീര്വാദത്തോടെയാണ് ഇടുക്കിയില് കയ്യേറ്റം നടക്കുന്നത്. മന്ത്രി എം എം മണി, കെപിസിസി വൈസ് പ്രസിഡന്റ് എ കെ മണി, കെ രാജേന്ദ്രന് എംഎല്എ, ജോയ്സ് ജോര്ജ്ജ് എംപി എന്നിവരാണ് കയ്യേറ്റക്കാര്ക്ക് എല്ലാ സംരക്ഷണവും നല്കുന്നത്. ഉദ്യോഗസ്ഥരാഷ്ട്രീയ കയ്യേറ്റ മാഫിയ അവിശുദ്ധ കൂട്ടുകെട്ട് വെളിച്ചത്ത് കൊണ്ടുവരാന് ഇവിടെയുള്ള ഏജന്സികള്ക്ക് കഴിയില്ല. അതിനാല് തന്നെ കേന്ദ്ര ഏജന്സിയുടെ അന്വേഷണം അനിവാര്യമാണ്. ചെയര്മാന് കുമ്മനം രാജശേഖരന്റെ നേതൃത്വത്തില് ബുധനാഴ്ച എന് ഡി എ സംഘം കുറിഞ്ഞിമലയിലെ കയ്യേറ്റ പ്രദേശങ്ങള് സന്ദര്ശിക്കുമെന്നും അദ്ദേഹം പറഞ്ഞു. എന്ഡിഎ സംഘത്തിന്റെ കണ്ടെത്തലുകള് റിപ്പോര്ട്ടായി കേന്ദ്ര സര്ക്കാരിന് കൈമാറുമെന്നും അദ്ദേഹം അറിയിച്ചു.
https://www.facebook.com/Malayalivartha
