ഓഖി ദുരന്ത ബാധിതർക്കുള്ള ധനസഹായവിതരണം ആരംഭിച്ചു. നെയ്യാറ്റിന്‍കര താലൂക്കിലെ 25 കുടുംബങ്ങള്‍ക്ക് 22 ലക്ഷം രൂപ വീതം മുഖ്യമന്ത്രി കൈമാറി. വിഴിഞ്ഞത്ത് നടന്ന ചടങ്ങിലാണ് മുഖ്യമന്ത്രി ധനസഹായം കൈമാറിയത്. ഓഖി ദുരന്തബാധിതരുടെ പുന:രധിവാസം പൂര്‍ണമായും ഉറപ്പാക്കുമെന്ന് മുഖ്യമന്ത്രി പറഞ്ഞു.

ദുരന്തത്തില്‍പ്പെട്ട് തിരിച്ചെത്താത്തവരുടെ കുടുംബത്തിനും ഇതേ സഹായം നല്‍കും. സര്‍ക്കാര്‍ നല്‍കിയ ഉറപ്പുകളെല്ലാം സമയബന്ധിതമായി പൂര്‍ത്തിയാക്കുമെന്നും മുഖ്യമന്ത്രി അറിയിച്ചു. ഓഖി ദുരന്തത്തിന്റെ അനുഭവത്തില്‍ ഇനിയൊരു ദുരന്തം ആവര്‍ത്തിക്കാതിരിക്കാനുള്ള മുന്‍ കരുതല്‍ സ്വീകരിക്കുമെന്നും അദ്ദേഹം ഉറപ്പുനല്‍കി. ഡിസംബര്‍ ആറിന് ചേര്‍ന്ന മന്ത്രിസഭാ യോഗമാണ് ഓഖി ദുരിതബാധിതര്‍ക്കുള്ള പ്രത്യേക പാക്കേജ് പ്രഖ്യാപിച്ചത്.