അഴിമതിക്കാരെ മുന്നണിയില് വേണ്ട... കെ.എം മാണിയുടെ മുന്നണി പ്രവേശന നീക്കത്തിനെതിരെ കാനം രംഗത്ത്, കാനത്തിന് മുഖമന്ത്രിയാകാന് മോഹമെന്ന് സിപിഐഎം
കെ.എം മാണിയുടെ മുന്നണി പ്രവേശന നീക്കത്തിനെതിരെ സി.പി.എം സംസ്ഥാന സെക്രട്ടറി കാനം രാജേന്ദ്രന്. അഴിമതിക്കാരെ തൈലം പൂശി മുന്നണിയിലെടുക്കാന് ശ്രമിക്കേണ്ടെന്ന് കാനം പറഞ്ഞു. വരാന് തയറായിരിക്കുന്ന എല്ലാവരെയും മുന്നണിയില് എടുക്കേണ്ടെന്നും, മറിച്ച് മുന്നണി വിട്ടു പോയവര് തിരിച്ചുവരണമെന്നും കാനം വ്യക്തമാക്കി. സി.പി.ഐ ദുര്ബലമായാല് മുന്നണി ശക്തിപ്പെടുമെന്ന ചിന്ത സി.പി.എമ്മിന് വേണ്ടെന്നും അദ്ദേഹം തുറന്നടിച്ചു.
അതേസമയം സിപിഐക്കെതിരെ രൂക്ഷ വിമര്ശനവുമായി സിപിഎമ്മിന്റെ പത്തനംതിട്ട ജില്ലാ സമ്മേളനം. സിപിഐ സംസ്ഥാന സെക്രട്ടറി കാനം രാജേന്ദ്രന് മുഖ്യമന്ത്രിയാകാന് മോഹമാണെന്ന ആരോപണമാണ് ജില്ലാ സമ്മേനളത്തില് ഉയര്ന്നത്. സി.പി.ഐ മുന്നണിയില് വേണോ വേണ്ടയോ എന്ന കാര്യം മുന്നണി ചര്ച്ച ചെയ്യണമെന്നും ജില്ലാ സമ്മേളനത്തില് ആവശ്യമുയര്ന്നു.
സി.പി.ഐയുടെ പ്രവര്ത്തനം മന്ത്രിസഭയുടെ കൂട്ടുത്തരവാദിത്വത്തെ തകര്ക്കുന്ന നിലയിലേയ്ക്കാണ് നീങ്ങിക്കൊണ്ടിരിക്കുന്നതെന്നും സി.പി.ഐയാണ് ഇപ്പോള് യഥാര്ത്ഥ പ്രതിപക്ഷമെന്നും സമ്മേളനത്തില് വിമര്ശനം ഉയര്ന്നു.
https://www.facebook.com/Malayalivartha
