ഓണം നോവും ; സബ്സിഡി വെള്ളത്തില്
ഓണത്തിന് ദിവസങ്ങള് മാത്രം ബാക്കി നില്ക്കെ കേരളത്തില് സാധനങ്ങള്ക്ക് വന് വിലക്കയറ്റം. സപ്ലൈകോയും കണ്സ്യൂമര്ഫെഡും വഴി സര്ക്കാര് നല്കി വരുന്ന സബ്സിഡി വെട്ടി ചുരുക്കാന് തീരുമാനിച്ചു. 13 സാധനങ്ങള്ക്ക് നല്കി വരുന്ന സബ്സിഡിയാണ് സര്ക്കാര് നിര്ത്തലാക്കാന് തീരുമാനിച്ചത്. 60 % വരെയാണ് ചില സാധനങ്ങള്ക്ക് സര്ക്കാര് നല്കുന്ന സബ്സിഡി. ഇത് 20 മുതല് 30 ശതമാനം വരെയാക്കാനാണ് സര്ക്കാര് തീരുമാനിച്ചിരിക്കുന്നത്. ധാന്യങ്ങള്ക്ക് 40 ശതമാനം വരെ ഓണക്കാലത്ത് വില വര്ദ്ധിക്കുനെന്നാണ് കരുതുന്നത്. പൊതു വിപണി വില ഒരു കിലോ വെളിച്ചെണ്ണയുടെ ഇപ്പോഴത്തെ വില 142 രൂപയാണ്. സപ്ലൈകോയിലെ വില 62. സബ്സിഡി എടുത്തു കളയുന്നതോടെ വെളിച്ചെണ്ണ ഉള്പ്പെടെയുള്ള സാധനങ്ങള്ക്ക് വന് വില കയറ്റമാകും. ചുരുക്കത്തില് മലയാളികള്ക്ക് മനസമാധാനത്തോടെ ഓണമുണ്ണാന് കഴിയില്ല.
സര്ക്കാര് സംരംഭങ്ങളിലൂടെ വില്ക്കുന്ന നിത്യോപയോഗസാധനങ്ങളുടെ വില ഏകീകരിക്കാനാണത്രേ സര്ക്കാര് തീരുമാനം. വില ഏകീകരിക്കുന്നു എന്ന മറവിലാണ് സബ്സിഡി എടുത്തുകളയുന്നത്. ഫലപ്രദമായ വിപണിയിടപെടല് സാധ്യമാക്കുന്നതിനുവേണ്ടിയാണ് വില ഏകീകരിക്കുന്നതെന്ന് മുഖ്യമന്ത്രി കഴിഞ്ഞ മാസം മന്ത്രിസഭായോഗത്തില് പറഞ്ഞിരുന്നു. ചില സാധനങ്ങള്ക്ക് 60 ശതമാനം സബ്സിഡി ഉണ്ടായിരുന്നപ്പോള് മറ്റ് ചില സാധനങ്ങള്ക്ക് 10% മാത്രമായിരുന്നു സബ്സിഡി എന്നാല് സര്ക്കാര് പറയുന്നത്. വില ഏകീകരിക്കുമ്പോള് സബ്സിഡിയില് വ്യത്യാസം വരുമെന്ന് മുഖ്യമന്ത്രി സമ്മതിച്ചു.
ഓണം വരുമ്പോള് സബ്സിഡി വര്ദ്ധിപ്പിക്കാനാണ് പതിവ്. ഇതാണ് കഴിഞ്ഞ കുറെ വര്ഷങ്ങളായുള്ള കീഴ്വഴക്കം. സര്ക്കാര് സ്ഥാപനമായ ഹോട്ടികോര്പ്പിലും ഇതുതന്നെയാണഅ അവസ്ഥ. സംസ്ഥാനത്ത് പച്ചക്കറിയുടെ വില കുതിച്ചുവരുമ്പോള് സര്ക്കാര് രഹസ്യമായി സബ്സിഡി വെട്ടിചുരുക്കി. ഹോര്ട്ടി കോര്പ്പിലെ സാധനങ്ങള് സബ്സിഡിയില്ലാതെ വില്ക്കുന്ന ഔട്ട്ലൈറ്റുകും ധാരാളമുണ്ട്. ഇവര്ക്കെതിരെ ഒരു നടപടിയും സ്വീകരിക്കാറില്ല. സബ്സിഡി സാധനങ്ങള് ഹോര്ട്ടികോര്പ്പിലൂടെ സബ്സിഡിയില്ലാതെ വില്ക്കുന്നത് ശ്രദ്ധയില് പെട്ടിട്ടും നടപടിയെടുക്കാത്തത് ഉദ്യോഗസ്ഥരും വ്യാപാരികളും തമ്മിലുള്ള കള്ളക്കളിയുടെ ഭാഗമാണെന്ന് ആരോപണമുണ്ട്.
സര്ക്കാര് നേരിടുന്ന കനത്ത സാമ്പത്തിക പ്രതിസന്ധി കാരണമാണ് ഇത്തരം ജനദ്രോഹപരമായ നിലപാടുകള് സ്വീകരിച്ചതെന്ന് പറയപ്പെടുന്നു. കാണം വിറ്റും ഓണം ഉണ്ണേണ്ട അവസ്ഥയിലാണ് സര്ക്കാരെന്ന് ധനവകുപ്പിലെ ഉന്നതര് പറയുന്നു. ഏതായാലും ഓണം കടക്കാന് മലയാളി പെടാപാടുപെടുമെന്നാണ് സൂചന.
അതേസമയം സര്ക്കാരിനെതിരെ വരുന്ന വാര്ത്തകളില് മുഖ്യമന്ത്രി അസഹ്യനാണ്. മാധ്യമങ്ങള് സര്ക്കാരിനെതിരെ തിരിഞ്ഞിരിക്കുകയാണെന്നാണ് മുഖ്യമന്ത്രിയുടെ ആരോപണം, അദ്ദേഹം മാധ്യമപ്രവര്ത്തകരെ പരിഹസിക്കാനും ശ്രമിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha