കലക്ടര് ചുമതലപ്പെടുത്തിയ ട്രോപ്പിക്കല് ബൊട്ടാണിക് ഗാര്ഡന് കേന്ദ്ര സര്ക്കാരിന്റെ യോഗ്യതയില്ല, രാജ്യത്ത് ബയോ മെഡിക്കല് മാലിന്യ പ്ലാന്റിലെ കാര്യങ്ങള് പഠിക്കാന് യോഗ്യതയുള്ള സൗത്ത് ഇന്ത്യയിലെ ഏക ഏജന്സി അണ്ണാമലൈ യൂണിവേഴ്സിറ്റിയാണ്
തിരുവനന്തപുരം പാലോട് ഐ.എം.എ സ്ഥാപിക്കുന്ന അശുപത്രി മാലിന്യ സംസ്കരണ പ്ലാന്റിനെ കുറിച്ച് പുന:പരിശോധന നടത്താന് കലക്ടര് വാസുകി ചുമതലപ്പെടുത്തിയത് യോഗ്യത ഇല്ലാത്ത ഏജന്സിയെയാണെന്ന് ആക്ഷേപം. രാജ്യത്ത് ബയോ മെഡിക്കല് മാലിന്യ പ്ലാന്റിലെ കാര്യങ്ങള് പഠിക്കാന് കലക്ടര് ചുമതലപ്പെടുത്തിയ ട്രോപ്പിക്കല് ബൊട്ടാണിക് ഗാര്ഡന് കേന്ദ്ര സര്ക്കാരിന്റെ യോഗ്യതയില്ല. യോഗ്യതയുള്ള സൗത്ത് ഇന്ത്യയിലെ ഏക ഏജന്സി അണ്ണാമലൈ യൂണിവേഴ്സിറ്റിയാണ്.
ഇലവുപാലത്തെ ആശുപത്രി മാലിന്യ സംസ്കരണ പ്ലാന്റിനെതിരെ നാട്ടുകാരുടെ പ്രതിഷേധം വ്യാപകമാകുമ്പോഴും പ്ലാന്റ് സ്ഥാപിക്കുമെന്ന ഉറച്ചനിലപാടിലാണ് ഐ.എം.എ. പ്രശ്നങ്ങള് ചര്ച്ച ചെയ്യാനും കേന്ദ്രവനം പരിസ്ഥിതി വനംവകുപ്പിന് റിപ്പോര്ട്ട് നല്കാനുമായി എത്തിച്ചേര്ന്ന ജില്ലാ കളക്ടര് വാസുകി കഴിഞ്ഞയാഴ്ച നാട്ടുകാരുമായി ചര്ച്ച നടത്തിയിരുന്നു. തുടര്ന്നാണ് പുന:പരിശോധനയ്ക്ക് ബൊട്ടാണിക്കല് ഗാര്ഡനെ ചുമതലപ്പെടുത്തിയത്. പ്ലാന്റിനെതിരെ നാട്ടുകാര് തിങ്കളാഴ്ച മുതല് സമരം ശക്തമാക്കി. സമരപ്പന്തല് മുന് കെ.പി.സി.സി അധ്യക്ഷന് വി.എം സുധീരന് ഉദ്ഘാടനം ചെയ്തു.
വനംമന്ത്രി കെ. രാജു അടക്കമുള്ളവര്ക്ക് നാട്ടുകാരും പരിസ്ഥിതി പ്രവര്ത്തകരും ഇന്നലെ നിവേദനം നല്കിയിരുന്നു. കളക്ടറുടെ റിപ്പോര്ട്ട് കിട്ടിയ ശേഷം ഇത് സംബന്ധിച്ച തീരുമാനം അറിയിക്കാമെന്ന് അദ്ദേഹം സമരക്കാര്ക്ക് ഉറപ്പ് കൊടുത്തിട്ടുണ്ട്. പ്ലാന്റ് പെരിങ്ങമല പഞ്ചായത്തില് തന്നെ സ്ഥാപിക്കണമെന്ന് സര്ക്കാരിന് നിര്ബന്ധമില്ല. എവിടെയെങ്കിലും പ്ലാന്റ് നിര്മിച്ചേ മതിയാകൂ എന്നും ആരോഗ്യമന്ത്രി അറിയിച്ചു. തിരുവനന്തപുരം കൊല്ലം പത്തനംതിട്ട ജില്ലകളിലെ ആശുപത്രി മാലിന്യങ്ങള് സംസ്കരിക്കുന്നതിനാണ് പ്ലാന്റ് സ്ഥാപിക്കുന്നത്. പദ്ധതി പ്രദേശത്ത് കൃഷി ചെയ്യുന്നതിനെന്ന് പറഞ്ഞാണ് ഐ.എം.എ ഭൂമി വാങ്ങിയതെന്ന് നാട്ടുകാര് ആരോപിക്കുന്നു.
പ്ലാന്റ് വരുന്നതിനടുത്ത് നിരവധി ആദിവാസി കുടുംബങ്ങള് താമസിക്കുന്നുണ്ട്. ജനവാസ മേഖലകളിലെ നിരവധി ജലാശയങ്ങളില് എത്തിച്ചേരുന്ന ശുദ്ധജല സ്രോതസ്സുകള് നിറഞ്ഞ സ്ഥലമാണിവിടം .സമീപത്തുള്ള വനമേഖലയില് കാട്ടാനയും കാട്ടുപോത്തും ഉല്പ്പടെ അപൂര്വ്വ ജന്തുജാലങ്ങളുമുണ്ട്. പക്ഷിസങ്കേതം കൂടിയാണ് ഇവിടം. ലോകത്തെ മികച്ച ജൈവ വൈവിധ്യ പ്രദേശം കണ്ടെത്താന് വേണ്ടി യു. എന്.പഠന സംഘം തയ്യാറാക്കിയ ജൈവവൈവിധ്യ രജിസ്റ്ററില് രണ്ടാം സ്ഥാനം നേടിയ പെരിങ്ങമ്മല പഞ്ചായത്തിലാണ് മാലിന്യ സംസ്കരണ പ്ലാന്റ് വരുന്നത്.
https://www.facebook.com/Malayalivartha
