ആ നാവികരെച്ചൊല്ലി നിയമ സഭയും, ഇന്ത്യന്‍ നിയമപ്രകാരം വിചാരണ ചെയ്യുമെന്ന്‌ മുഖ്യമന്ത്രി, പ്രതിപക്ഷം ഇറങ്ങിപ്പോയി
കടല്‍ക്കൊലകേസില്‍ ഇറ്റാലിയന്‍ നാവികരെ ഇന്ത്യന്‍ നിയമപ്രകാരം വിചാരണ ചെയ്യുമെന്ന്‌ മുഖ്യമന്ത്രി ഉമ്മന്‍ചാണ്ടി. പി.കെ.ഗുരുദാസന്‍ എം.എല്‍.എ നിയമസഭയില്‍ അവതരിപ്പിച്ച അടിയന്തിര പ്രമേയ നോട്ടീസിന്‌ മറുപടി പറയുകയായിരുന്നു അദ്ദേഹം. എന്നാല്‍ അടിയന്തിര പ്രമേയത്തിനുള്ള അനുമതി സ്‌പീക്കര്‍ നിഷേധിച്ചു. ഇതില്‍ പ്രതിഷേധിച്ച്‌ പ്രതിപക്ഷം നിയമസഭയില്‍ നിന്ന് ഇറങ്ങിപ്പോയി. നാവികര്‍ മടങ്ങിവരാത്തതില്‍ ഗൂഡാലോചനയുണ്ടെന്നും, കേന്ദ്ര-സംസ്ഥാന സര്‍ക്കാരുകള്‍ ഇക്കാര്യത്തില്‍ ഉദാസീനമായാണ്‌ പ്രവര്‍ത്തിച്ചതെന്നും പ്രതിപക്ഷം ആരോപിച്ചു.
എന്നാല്‍ പ്രതിപക്ഷത്തിന്റെ ആരോപണങ്ങള്‍ നിഷേധിച്ച മുഖ്യമന്ത്രി വിഷയത്തില്‍ പ്രധാനമന്ത്രി പാര്‍ലമെന്റില്‍ സ്വീകരിച്ച നിലപാട്‌ രാജ്യത്തിന്റെ അഭിമാനം ഉയര്‍ത്തിപിടിക്കുന്നതാണെന്ന്‌ പറഞ്ഞു. നയതന്ത്രബന്ധം ഉപയോഗിച്ച്‌ സുപ്രീംകോടതിയെ തെറ്റിദ്ധരിപ്പിക്കുകയും പ്രതികളെ രക്ഷപ്പെടുത്തുകയും ചെയ്ത് രാജ്യത്തെ അധിക്ഷേപിച്ച ഇറ്റാലിയന്‍ നടപടി അംഗീകരിക്കാനാവില്ലെന്നും അദ്ദേഹം കൂട്ടിച്ചേര്‍ത്തു.
https://www.facebook.com/Malayalivartha
