അട്ടപ്പാടിയില് നാട്ടുകാര് മര്ദിച്ചുകൊന്ന ആദിവാസി യുവാവ് മധുവിന്റെ കുടുംബത്തിന് 10 ലക്ഷം രൂപ ധനസഹായം നല്കാന് സംസ്ഥാന സര്ക്കാര് തീരുമാനം
24 FEBRUARY 2018 12:20 PM IST
മലയാളി വാര്ത്ത
അട്ടപ്പാടിയില് നാട്ടുകാര് മര്ദിച്ചുകൊന്ന ആദിവാസി യുവാവ് മധുവിന്റെ കുടുംബത്തിന് 10 ലക്ഷം രൂപ ധനസഹായം നല്കാന് സംസ്ഥാന സര്ക്കാര് തീരുമാനിച്ചു. തുക എത്രയും വേഗം ലഭ്യമാക്കാന് ചീഫ് സെക്രട്ടറിയോട് മുഖ്യമന്ത്രി പിണറായി വിജയന് നിര്ദേശിച്ചു. അതേസമയം, മധുവിന്റെ കൊലപാതകത്തില് വനം വകുപ്പ് ഉദ്യോഗസ്ഥര്ക്ക് പങ്കുണ്ടെങ്കില് നടപടി എടുക്കുമെന്ന് വനം വകുപ്പ് മന്ത്രി കെ. രാജു അറിയിച്ചു. മാധ്യമങ്ങളിലൂടെയാണ് താന് ഈ വാര്ത്ത അറിഞ്ഞത്. അന്വേഷിച്ച് കുറ്റക്കാരായവര്ക്കെതിരെ ശക്തമായ നടപടി സ്വീകരിക്കുമെന്നും മന്ത്രി പറഞ്ഞു.
അതിനിടെ, ആദിവാസിയുവാവിനെ മര്ദിച്ചു കൊന്ന സംഭവത്തില് രണ്ടുപേര് കൂടി പൊലീസ് പിടിയിലായതായും റിപ്പോര്ട്ടുകളുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
