വ്യാ​ഴാ​ഴ്ച രാ​വി​ലെ 10.30ഒാ​ടെ ആ​ള്‍​ക്കൂ​ട്ടം ഉ​ള്‍​വ​ന​ത്തി​ലെ ഗുഹാ പരിസരത്തെത്തുമ്പോൾ മ​ധു ഭ​ക്ഷ​ണം പാകം ചെ​യ്യു​ക​യാ​യി​രു​ന്നു. ഇതോടെ ഇവിടെയെത്തിയ നരാധമന്മാരുടെ ക്രൂര വിനോദത്തിന് തുടക്കമായി. മധുവിനെ വിചാരണ ചെയ്ത് അ​ടു​പ്പു​ക​ല്ലി​ന​ടു​ത്ത് വെ​ണ്ണീ​റി​ല്‍ മു​ട്ടു​കാ​ലി​ല്‍ നി​ര്‍​ത്തി മർദ്ദിച്ചു.

ഗു​ഹ​ക്ക് പുറത്തെ ക​ല്‍​ക്കെ​ട്ടി​ല്‍ ഇ​ടി​ച്ച്‌​ ത​ല​ക്ക്​ മാ​ര​ക പ​രി​ക്കേ​റ്റു. മ​ര​ണ​ കാ​ര​ണ​മാ​യി പോ​സ്​​റ്റ്​​മോ​ര്‍​ട്ടം റി​പ്പോ​ര്‍​ട്ടി​ല്‍ പറയു​ന്ന​ത്​ ഇൗ ​പ​രി​ക്കാ​ണ്. തൊ​ഴി​യും ച​വി​ട്ടു​മേ​റ്റ മ​ധു​വി​നെ ത​ല​യി​ല്‍ മ​ണ​ല്‍​ചാ​ക്ക് ക​യ​റ്റി മു​ക്കാ​ലി കവലയി​ലേ​ക്ക് രണ്ട് കി​ലോ​മീ​റ്റ​ര്‍ ന​ട​ത്തി​ച്ചു. അ​ടി​കൊ​ണ്ടും ഭാ​ര​മേ​റ്റി​യും വ​ല​ഞ്ഞ മ​ധു വെ​ള്ള​ത്തി​ന് യാചിച്ചപ്പോ​ള്‍ കു​പ്പി​യി​ല്‍​ നി​ന്ന്​ നാ​ക്കി​ലേ​ക്ക് ഒ​രു​തു​ള്ളി മാ​ത്രം ന​ല്‍​കി.

സൈ​ല​ന്‍​റ് വാ​ലി ഫോ​റ​സ്​​റ്റ്​ ഓ​ഫി​സ് പ്ര​വ​ര്‍​ത്തി​ക്കു​ന്ന കെ​ട്ടി​ട​ത്തി​ന് മു​ന്നി​ലൂ​ടെ​യാ​ണ് അ​ക്ര​മി​ക​ള്‍ മ​ധു​വി​നെ കൊ​ണ്ടു​വ​ന്ന​ത്. ക​വ​ല​യി​ല്‍ എ​ത്തും​ മുമ്പേ ത​ല​യി​ല്‍​നി​ന്ന്​ മ​ണ​ല്‍ ​ചാ​ക്ക് എ​ടു​ത്തു​മാ​റ്റി. ക​വ​ല​യി​ല്‍ വെ​ച്ചും മ​ധു ​പ്രാ​ണ​ വേ​ദ​ന​യോ​ടെവെള്ളം ചോദിച്ചു. കൊ​ടു​ക്ക​രു​തെ​ന്ന് ചി​ല​രാ​വ​ശ്യ​പ്പെ​ടു​ന്ന​ത് സ​മൂ​ഹ​മാ​ധ്യ​മ​ങ്ങ​ള്‍ വ​ഴി പ്രച​രി​ച്ച വി​ഡി​യോ ദൃ​ശ്യ​ങ്ങ​ളി​ല്‍ വ്യ​ക്ത​മാ​ണ്.

ഈ ​ക​വ​ല​യി​ല്‍​നി​ന്നാ​ണ് മധുവിനെ പൊ​ലീ​സ് ക​സ്​​റ്റ​ഡി​യി​ലെ​ടു​ത്ത​ത്. മ​ധു ത​നി​ക്കു​ണ്ടാ​യ കൊ​ടും​യാ​ത​ന​ക​ള്‍ പറ​ഞ്ഞി​ട്ടും പൊ​ലീ​സി​ല്‍​നി​ന്ന് ന​ട​പ​ടി​യു​ണ്ടാ​യി​ല്ല. മ​ര്‍​ദ​നം ന​ട​ത്തി​യ​വ​ര്‍​ക്കെ​തി​രെ, ആ​ദി​വാ​സി​ക​ള്‍​ക്ക് നേരെയുള്ള അ​തി​ക്ര​മ​ങ്ങ​ള്‍​ക്ക് എ​ടു​ക്കേ​ണ്ട വ​കു​പ്പ് പ്ര​കാ​രം ന​ട​പ​ടി​യെ​ടു​ക്കാ​ത്ത​തും വി​വാ​ദ​മാ​യി​ട്ടു​ണ്ട്.

അ​ഗ​ളി ഗ്രാ​മ​പ​ഞ്ചാ​യ​ത്തി​ലെ ചി​ണ്ട​ക്കി ആ​ദി​വാ​സി ഊ​രി​ലെ ഗോ​ത്ര​വ​ര്‍​ഗ പ്ര​മോ​ട്ട​ര്‍ സി.​പി. രം​ഗ​ന്‍ ന​ല്‍​കി​യ മൊ​ഴി​യി​ലാ​ണ്​ ഇ​ക്കാ​ര്യ​മു​ള്ള​ത്. ഊ​രു​വാ​സി​ക​ളും മ​ജി​സ്ട്രേ​റ്റി​ന് സ​മാ​ന​മൊ​ഴി ന​ല്‍​കി​യ​താ​യാ​ണ് വി​വ​രം. ഭക്ഷ്യ​സാ​ധ​ന​ങ്ങ​ള്‍ ന​ഷ്​​ട​പ്പെ​ടു​ന്ന​ത് പ​തി​വാ​യ​പ്പോ​ള്‍ പ​രി​സ​ര​ത്തെ ചി​ല വ്യാ​പാ​ര​ സ്ഥാ​പ​ന​ങ്ങ​ളി​ല്‍ സി.​സി.​ടി.​വി സ്ഥാ​പി​ച്ചി​രു​ന്നു. ഇ​തി​ലെ ദൃ​ശ്യ​ങ്ങ​ളി​ലു​ള്ള​ത്​ മ​ധു​വാ​ണെ​ന്ന ആ​ക്ഷേ​പ​മു​ണ്ടാ​യി​രു​ന്നു. ഇ​തി​ല്‍ ല​ഭി​ച്ച പ​രാ​തി​യി​ല്‍ പൊ​ലീ​സ് ന​ട​പ​ടി​​യെ​ടു​ത്തി​ല്ല. ദൃ​ശ്യ​ങ്ങ​ളി​ലു​ള്ള​ത് മ​ധു​വ​ല്ലെ​ന്ന് ആ​ദി​വാ​സി സം​ഘ​ട​ന​ക​ള്‍ പ​റ​യു​ന്നു.