പദ്മ തീര്ഥ കുളത്തിന്റെ കല്മണ്ഡപങ്ങള് പൊളിച്ച് നീക്കുന്നതിനെതിരെ രാജ കുടുംബാംഗങ്ങള് പ്രതിഷേധത്തില്
പദ്മനാഭസ്വാമി ക്ഷേത്രത്തിന്റെ ഭാഗമായ പദ്മതീര്ത്ഥ കുളത്തിന്റെ കല്മണ്ഡപങ്ങള് പൊളിച്ച് നീക്കുന്നതിനെതിരെ രാജ കുടുംബാംഗങ്ങളുടെ പ്രതിഷേധിച്ചു. കുളത്തില് ഇറങ്ങി നിന്നായിരുന്നു രാജകുടുംബാഗം ഗൗരി ലക്ഷ്മീ ബായി അടക്കമുള്ളവര് പ്രതിഷേധിച്ചത്. നൂറ്റാണ്ടുകള് പഴക്കമുള്ള മണ്ഡപങ്ങള് പൊളിച്ചു നീക്കുകയോ, കല്മണ്ഡപങ്ങള്ക്ക് കോട്ടം വരുന്ന തരത്തില് നവീകരണ പ്രവര്ത്തനങ്ങള് തുടരുകയോ ചെയ്താല് നിയമ നടപടി സ്വീകരിക്കുമെന്നും ഗൗരി ലക്ഷ്മിബായി പറഞ്ഞു.
കുളത്തിന്റെ നവീകരണ പ്രവര്ത്തനങ്ങളുടെ ഭാഗമായാണ് കല്മണ്ഡപങ്ങള് പൊളിച്ചു നീക്കുന്നത്. മണ്ഡപങ്ങള്ക്ക് ബലക്ഷയം ഉണ്ടെന്ന് കണ്ടെത്തിയതിനെ തുടര്ന്നാണ് നവീകരണ പ്രവര്ത്തനങ്ങള് നടത്തുന്നത്.
എന്നാല് ഇതിന്റെ ഭാഗമായി പൊളിച്ചു നീക്കുന്ന കല്മണ്ഡപങ്ങള് പഴയ മാതൃകയില് തന്നെ പുനര്നിര്മ്മിക്കുമെന്ന് ചീഫ് എന്ജിനീയര് ജയന് പറഞ്ഞു.
https://www.facebook.com/Malayalivartha
