സിപിഎമ്മില് വിഭാഗീയത ഇല്ല ; പാര്ട്ടിക്ക് കീഴിലാണ് നേതാക്കന്മാര് പ്രവര്ത്തിക്കുന്നത് ; മന്ത്രിസഭാ പുനസംഘടന നിലവിലെ അജണ്ടയിലില്ലെന്ന് കോടിയേരി
കേരളത്തിലെ പാര്ട്ടിയില് വിഭാഗീയത ഇല്ലാതായെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്. സിപിഎമ്മിനകത്ത് വ്യത്യസ്ഥ ശബ്ദമില്ല. പാര്ട്ടിക്ക് ഇന്ന് ഒരു അഭിപ്രായമേയുള്ളു. ഏതെങ്കിലും ഒരു നേതാവിന്റെ കിഴിലല്ല ജനങ്ങള് അണിനിരക്കുന്നത്. പാര്ട്ടിക്ക് കീഴിലാണ് നേതാക്കന്മാര് പ്രവര്ത്തിക്കുന്നതെന്നും സിപിഎം സംസ്ഥാന സമ്മേളനത്തോട് അനുബന്ധിച്ച് നടത്തിയ വാര്ത്താ സമ്മേളനത്തില് കോടിയേരി പറഞ്ഞു.
മന്ത്രിസഭാ പുനസംഘടന നിലവില് അജണ്ടയിലില്ല. മന്ത്രിമാരുടെ പ്രവര്ത്തനം വിലയിരുത്താന് പാര്ട്ടിക്ക് സംവിധാനമുണ്ട്. കോണ്ഗ്രസുമായി യാതൊരു ബന്ധവും വേണ്ടെന്ന തീരുമാനം കഴിഞ്ഞ പാര്ട്ടി കോണ്ഗ്രസില് തന്നെ തീരുമാനിച്ചതാണ്. അത് തുടരുക തന്നെ ചെയ്യുമെന്നും കോടിയേരി പറഞ്ഞു. കോണ്ഗ്രസുമായുള്ള ബന്ധം സംബന്ധിച്ച് സീതാറാം യെച്ചൂരിയുടെ പ്രസംഗം മാധ്യമങ്ങള് തെറ്റായാണ് റിപ്പോര്ട്ട് ചെയ്തതെന്നും കോടിയേരി കൂട്ടിച്ചേര്ത്തു.
കെ.എം മാണിയുടെ കേരള കോണ്ഗ്രസിനെ മുന്നണിയില് എടുക്കുന്നത് സംബന്ധിച്ച വിഷയത്തില് ഏകപക്ഷീയമായ തീരുമാനമെടുക്കില്ല. ഇക്കാര്യത്തില് സിപിഐയുടെയും മറ്റുഘടകകക്ഷികളുടെയും അഭിപ്രായം ആരായുമെന്നും കോടിയേരി പറഞ്ഞു. യൂത്ത് കോണ്ഗ്രസ് നേതവ് ശുഹൈബിന്റെ കൊലപാതകവുമായി ബന്ധപ്പെട്ട് പാര്ട്ടി അന്വേഷണം നടത്തും. പാര്ട്ടി പ്രവര്ത്തകര്ക്ക് പങ്കുണ്ടെങ്കില് കര്ശന നടപടിയെടുക്കുമെന്നും അദ്ദേഹം വ്യക്തമാക്കി.
https://www.facebook.com/Malayalivartha
