മണ്ണാര്‍ക്കാട് സഫീര്‍ കൊലപാതകത്തില്‍ 5 പേര്‍ കസ്റ്റഡിയിലായി. സഫീറിന്റെ അയല്‍വാസികളായ സിപിഐ അനുഭാവികളാണ് പിടിയിലായിരിക്കുന്നത്. വ്യക്തിവൈരാഗ്യമാണ് കൊലയ്ക്ക് കാരണമെന്ന് പൊലീസ് അറിയിച്ചു.

യൂത്ത് ലീഗ് പ്രവര്‍ത്തകനായ കുന്തിപ്പുഴ സ്വദേശി സഫീര്‍ (22) ഞായറാഴ്ച രാത്രിയാണ് കുത്തേറ്റ് മരിച്ചത്. സഫീറിന്റെ ഉടമസ്ഥതയിലുള്ള വസ്ത്രവ്യാപാരശാലയില്‍ അതിക്രമിച്ചു കയറിയ സംഘമാണ് കൊല നടത്തിയത്തെ. 

മണ്ണാര്‍ക്കാട് നഗരസഭാ കൗണ്‍സിലര്‍ സിറാജിന്റെ മകനാണ് കൊല്ലപ്പെട്ട സഫീര്‍. സഫീറിനും കുടുംബത്തിനും നേരെ നേരത്തേയും ആക്രമണമുണ്ടായിട്ടുണ്ടെന്നാണ് അറിയുന്നത്. 

സ്ഥലത്ത് വന്‍ സംഘര്‍ഷാവസ്ഥയാണ്. ലീഗ് പ്രവര്‍ത്തകര്‍ ദേശീയപാത ഉപരോധിച്ചു. മണ്ണാര്‍ക്കാട് ഇന്ന് ലീഗ് ഹര്‍ത്താലാണ്. രാവിലെ ആറു മുതല്‍ വൈകിട്ട് ആറു വരെയാണ് ഹര്‍ത്താല്‍.