ചന്ദ്രബോസ് വധക്കേസിൽ വെളിപ്പെടുത്തലുമായി പത്തനംതിട്ട എസ്പി ജേക്കബ് ജോബ്. നിസ്സാമിനെ സഹായിച്ചത് ഉന്നത ഉദ്യോഗസ്ഥനെന്നും ജേക്കബ് ജോബ് പത്തനംതിട്ടയിൽ നടന്ന മാധ്യമ സെമിനാറിൽ വെളിപ്പെടുത്തി. ഒ​രു ഉന്നത പോലീസ് ഉന്നത ഉദ്യോ​ഗസ്ഥൻ പ്രമുഖ നടിയുടെ കൂടെ അന്ന് ഹോട്ടലിൽ താമസിച്ചിരുന്നു. സംഭവത്തിനു പിന്നിൽ അയാൾക്ക് പങ്കുണ്ട്. ആ ഉദ്യോഗസ്ഥനാണ് തന്നെ ചതിച്ചതെന്നും ജേക്കബ് ജോബ് പറഞ്ഞു.

ച​ന്ദ്ര​ബോ​സ് വ​ധ​ക്കേസുമായി ബന്ധപ്പെട്ട ത​നി​ക്കെ​തി​രേ നടപടി എടുത്തത് ചെയ്യാത്ത കുറ്റങ്ങൾക്കാണ്. ഉന്നത പോലീസ് ഉ​ദ്യോ​ഗ​സ്ഥരുടെ വഞ്ചനായിരുന്നു ഇത്. നിസാമിനു താൻ സഹായം ചെയ്തു കൊടുത്തിട്ടില്ല. പ്രതിക്ക് മൊ​ബൈ​ൽ​ഫോ​ണും ആ​ഡം​ബ​ര​സൗ​ക​ര്യ​ങ്ങ​ളും ലഭിച്ചതിനു പിന്നിൽ മറ്റു ചിലരാണ്. നിസാമിന്റെ ഇടനിലക്കാരായി പ്രവർ‍ത്തിച്ച പോലീസുകാർക്കതിരെ നടപടിയുണ്ടായില്ല. അന്ന് പ്രമുഖ നടിയുടെ കൂടെ ഹോട്ടലിൽ താമസിക്കുകയും തന്നെ ചതിക്കുകയും ചെയത ഉദ്യോ​ഗസ്ഥൻ ഇന്നും സർവീസിൽ സുരക്ഷിതിനാണ്‌

മു​ഹ​മ്മ​ദ് നി​സാ​മി​നെ ജേക്കബ് ജോബ് ഒ​റ്റ​യ്ക്കു ചോ​ദ്യം​ചെ​യ്തിരുന്നു. ഇത് സർവീസ് ചട്ടങ്ങളുടെ ലംഘനമാണെന്ന ആരോപണം കാരണം അദ്ദേഹത്തെ അന്ന് സ​സ്പെ​ൻ​ഡ് ചെ​യ്തി​രു​ന്നു. തൃ​ശൂ​ർ സി​റ്റി പോ​ലീ​സ് ക​മ്മീ​ഷ​ണ​റായി ജേക്കബ് ജോബ് പ്രവർത്തിക്കുന്ന വേളയിലായിരുന്നു ഇത്. ഒ​റ്റ​യ്ക്കു ചോ​ദ്യം​ചെ​യ്ത സംഭവത്തിൽ അ​സ്വാ​ഭാ​വി​ക​ത ഇ​ല്ലെ​ന്ന വി​ജി​ല​ൻ​സ് റി​പ്പോ​ർട്ടിന്റെ അടിസ്ഥാനത്തിലാണ് ജേക്കബ് ജോബിനെ സർവീസിൽ പ്രവേശിപ്പിച്ചത്. ജേക്കബ് ജോബ് ഈ മാസം 31 വിരിമിക്കും.