കീഴാറ്റൂര്‍ സമരം....സര്‍ക്കാരിന് പിന്തുണയുമായി കോണ്‍ഗ്രസ് നേതാവ് കെ മുരളീധരന്‍ എംഎല്‍എ; ഭരണം ഉപയോഗിച്ച് സര്‍ക്കാര്‍ സമരത്തെ അടിച്ചമര്‍ത്താന്‍ ശ്രമിക്കുന്നെന്ന് ചെന്നിത്തല
കീഴാറ്റൂര്‍ സമരത്തിനെതിരെ സിപിഎം പ്രഖ്യാപിച്ചിരിക്കുന്ന സമരം അസഹിഷ്ണുതയെന്ന് പ്രതിപക്ഷ നേതാവ് രമേശ് ചെന്നിത്തല വ്യക്തമാക്കിയതിന് പിന്നാലെ വിഷയത്തില്‍ സര്‍ക്കാരിന് പരോക്ഷ പിന്തുണയുമായി കോണ്‍ഗ്രസ് നേതാവ് കെ മുരളീധരന്‍ എംഎല്‍എ.
കീഴാറ്റൂര്‍ സമരം നാട്ടുകാരല്ലാത്തവര്‍ ഏറ്റെടുത്തു വഷളാക്കുകയാണ്. ഇവര്‍ വികസന വിരോധികളാണ്. ഏതു പദ്ധതി ഏതു സര്‍ക്കാര്‍ കൊണ്ടുവന്നാലും ഇവര്‍ തടസം നില്‍ക്കുന്ന സാഹചര്യമാണുള്ളത്. എതു സര്‍ക്കാര്‍ ഭരിച്ചാലും ഇതിനു മാറ്റമില്ലെന്നും മുരളീധരന്‍ പറഞ്ഞു.
പരിസ്ഥിതി പ്രവര്‍ത്തകര്‍ ഏതു വികസനത്തിനും തടസം നില്‍ക്കുന്ന അവസ്ഥയുണ്ട്. താന്‍ വൈദ്യുതി മന്ത്രിയായിരിക്കെ അതിരപ്പള്ളി പദ്ധതിയുടെ കാര്യത്തിലും ഇതാണു സംഭവിച്ചതെന്നും മുരളീധരന്‍ കൂട്ടിച്ചേര്‍ത്തു.
കീഴാറ്റൂരിലെ സമരം ഭരണം ഉപയോഗിച്ച് സര്‍ക്കാര്‍ അടിച്ചമര്‍ത്താന്‍ ശ്രമിക്കുന്നതെന്നാണ് ചെന്നിത്തല പറഞ്ഞത്. സമരങ്ങളെ അടിച്ചമര്‍ത്താന്‍ സര്‍ക്കാര്‍ ശ്രമിക്കുന്നത് ശരിയല്ല. സിപിഎം നടത്തുന്ന സമരങ്ങള്‍ ആരെങ്കിലും അടിച്ചമര്‍ത്താന്‍ നീക്കം നടത്തിയാല്‍ എന്താകും അവസ്ഥയെന്നും അദ്ദേഹം ചോദിച്ചു.
https://www.facebook.com/Malayalivartha
