കഴിഞ്ഞ രണ്ട് വര്ഷമായി പാര്ലമെന്റില് സംസാരിക്കാന് തനിക്ക് അവസരം നല്കിയില്ലെന്ന് സ്വാതി മലിവാള്
സംഭവത്തില് പോലീസ് രജിസ്റ്റര് ചെയ്ത എഫ്ഐആര് പിന്വലിക്കാന് തന്റെ മേല് കടുത്ത സമ്മര്ദ്ദമുണ്ടായെന്നും കഴിഞ്ഞ രണ്ട് വര്ഷമായി പാര്ലമെന്റില് സംസാരിക്കാന് തനിക്ക് അവസരം നല്കിയില്ലെന്നും അവര് ആരോപിച്ചു. ആംആദ്മി എംപിമാരെ 'രാജ്യദ്രോഹികള്' എന്ന് മുദ്ര കുത്തി രാജ്യസഭയില് നിന്നും പുറത്താക്കിയ നടപടിയെയും സ്വാതി വിമര്ശിച്ചു .കെജ്രിവാളാണ് യഥാര്ഥ രാജ്യദ്രോഹിയെന്നും സ്വാതി മലിവാള് കുറ്റപ്പെടുത്തി.
അഴിമതി വിരുദ്ധ പോരാട്ടത്തിലൂടെ അധികാരത്തില് വന്ന കെജ്രിവാള് ഇപ്പോള് ആദര്ശങ്ങളെല്ലാം ബലികഴിച്ചുവെന്നും സ്വാതി മലിവാള് . ആം ആദ്മി പാര്ട്ടി ഇപ്പോള് ഭരിക്കുന്ന പഞ്ചാബിനെ അവരുടെ 'പേഴ്സണല് എടിഎം' ആയാണ് കാണുന്നതെന്നും അവര് കുറ്റപ്പെടുത്തി.
അതേസമയം, പ്രധാനമന്ത്രി നരേന്ദ്ര മോദിയുടെ നേതൃത്വത്തിലുള്ള വിശ്വാസം കാരണമാണ് താന് ബിജെപിയില് ചേര്ന്നതെന്നും സ്വാതി മലിവാള് വ്യക്തമാക്കി. മോദി ലോകത്തിലെ തന്നെ ഏറ്റവും ജനപ്രിയ നേതാവാണെന്നും വനിതാ സംവരണ ബില്ലും നക്സലിസം അവസാനിപ്പിക്കാനുള്ള നീക്കങ്ങളും ഉള്പ്പെടെ ചരിത്രപരമായ തീരുമാനങ്ങളാണ് അദ്ദേഹം കൈക്കൊള്ളുന്നതെന്നും അവര് കൂട്ടിച്ചേര്ത്തു.
https://www.facebook.com/Malayalivartha
