അങ്ങാടിപ്പുറത്ത്​ ഇരുച​ക്ര വാഹന ​ഷോറൂമില്‍ വന്‍ അഗ്​നിബാധ. വ്യാഴാഴ്​ച രാവിലെ 6.15നാണ്​ ഷോറൂമി​​െന്‍റ ഇരുനില കെട്ടിടത്തിന്​ തീപിടിച്ചത്​.ദേശീയപാതയില്‍ ഒാരാടംപാലത്തിനടുത്ത എ.എം ഹോണ്ട ഷോറൂമും അതിനൊപ്പം ചേര്‍ന്ന് പ്രവര്‍ത്തിക്കുന്ന സര്‍വിസ് സന്റെറും ഉള്‍പ്പെട്ട കെട്ടിടത്തിലാണ് തീപിടിത്തമുണ്ടായത്.

കെട്ടിടത്തിലെ ജനറേറ്റര്‍ സ്ഥിതിചെയ്യുന്ന ഭാഗത്തുനിന്ന്​ ഷോര്‍ട്ട് സര്‍ക്യൂട്ട് ഉണ്ടായതാണ് അപകടകാരണമെന്നാണ് പ്രാഥമിക നിഗമനം. സര്‍വിസിന്​ കൊണ്ടുവന്ന 17 ഇരുചക്ര വാഹനങ്ങള്‍ കത്തിനശിച്ചു. പ്രദര്‍ശനത്തിന്​ വെച്ച ഏതാനും വാഹനങ്ങള്‍ക്ക്​​ കേടുപാട്​ സംഭവിച്ചു. ​മുകളിലെ നിലയിലായിരുന്നു പുതിയ വാഹനങ്ങള്‍ പ്രദര്‍ശിപ്പിച്ചിരുന്നത്. തീപടര്‍ന്ന്​ തുടങ്ങിയതോടെ പ്രദര്‍ശനത്തിന്​ വെച്ച വാഹനങ്ങള്‍ നാട്ടുകാരടക്കമുള്ളവര്‍ അവിടെനിന്ന് മാറ്റുകയായിരുന്നു.

കെട്ടിടത്തി​​െന്‍റ ഫാബ്രിക്കേഷന്​ തീപിടിച്ചതാണ്​ കറുത്ത പുകയും തീനാളങ്ങളും ശക്തമായി ഉയരാന്‍​ കാരണമായത്​. കമ്ബ്യൂട്ടറുകളടക്കമുള്ള ഒാഫിസ്​ സംവിധാനം കത്തിനശിച്ചു. വിവരമറിഞ്ഞ്​ പെരിന്തല്‍മണ്ണ അഗ്​നി​ശമന സേനയുടെ മൂന്ന്​ യൂനിറ്റ്​ എത്തി തീയണക്കാനുള്ള ശ്രമം ആരംഭിച്ചു. നാട്ടുകാരും ഒപ്പംകൂടി. പിന്നീട്​ മലപ്പുറം, മഞ്ചേരി, മണ്ണാര്‍ക്കാട്​ എന്നിവിടങ്ങളില്‍നിന്ന്​ അഗ്​നിശമന വിഭാഗത്തി​​െന്‍റ ഒാരോ യൂനിറ്റും എത്തി. 9.30ഒാടെയാണ്​ തീ പൂര്‍ണമായി അണച്ചത്​. നഷ്​ടം കണക്കാക്കിവരുന്നു.

തീ കൂടുതല്‍ പടരാതിരുന്നത്​ കൂട്ടായ പരിശ്രമത്തില്‍
പെരിന്തല്‍മണ്ണ: അങ്ങാടിപ്പുറത്ത്​ ഇരുച​ക്ര വാഹന ​ഷോറൂമിലുണ്ടായ അഗ്​നിബാധ സമീപ കെട്ടിടങ്ങളിലേക്കും മറ്റും പടരുന്നത്​ തടയാന്‍ കഴിഞ്ഞത്​ നാട്ടുകാരുടെയും 40ഒാളം വരുന്ന അഗ്​നിശമന സേനാവിഭാഗത്തി​​െന്‍റയും കഠിനപരിശ്രമത്താല്‍​. രാവിലെ ഷോറൂമി​​െന്‍റ ഉള്ളില്‍നിന്ന്​ കറുത്തപുകയും അഗ്​നിനാളങ്ങളും ഉയരുന്നത്​ ​ശ്രദ്ധയില്‍പെട്ട പ്രദേശത്തുകാര്‍ വിവരം നല്‍കിയതി​​െന്‍റ അടിസ്​ഥാനത്തില്‍ ആറരയോടെ സ്​റ്റേഷന്‍ ഒാഫിസര്‍ എല്‍. സുഗുണ​​െന്‍റ നേതൃത്വത്തില്‍ പെരിന്തല്‍മണ്ണയിലെ അഗ്​നിശമന വിഭാഗം സ്​ഥലത്തെത്തി.

ഇവര്‍ നല്‍കിയ വിവരത്തെുടര്‍ന്ന്​ മലപ്പുറം അസിസ്​റ്റന്‍റ്​​ സ്​റ്റേഷന്‍ ഒാഫിസര്‍ ബാബുരാജി​​െന്‍റ നേതൃത്വത്തിലും മഞ്ചേരിയില്‍നിന്ന്​ അബ്​ദുല്‍ കരീമി​​െന്‍റ നേതൃത്വത്തിലും മണ്ണാര്‍ക്കാട്ടു​നിന്ന്​ നാസറി​​െന്‍റ നേതൃത്വത്തിലുമുള്ള അഗ്​നിശമന യൂനിറ്റുകളും എത്തി രണ്ട്​ മണിക്കൂര്‍ നീണ്ട കഠിന പ്രയത്​നത്തിന്​ ശേഷമാണ്​ തീ നിയന്ത്രണ വിധേയമാക്കിയത്​. പെരിന്തല്‍മണ്ണ ഫയര്‍സ്​റ്റേഷനി​െല മുഹമ്മദലി, രമേശ്​, ഗിരീഷ്​, മുരളീധരന്‍, സുരേന്ദ്രന്‍, ടോമിതോമസ്​, മോഹനന്‍, അഭിലാഷ്​ എന്നിവര്‍ തീ അണക്കുന്നതിന്​ നേതൃത്വം വഹിച്ചു.