ചില ഒറ്റപ്പെട്ട സംഭവങ്ങള് പോലീസ് സേനയ്ക്കു കളങ്കം ചാര്ത്തുന്നുണ്ടെന്നു പിണറായി ,ഒറ്റപ്പെട്ട ഒരാള് ചെയ്യുന്ന തെറ്റായ കാര്യം പോലീസിന്റെ മുഖം വികൃതമാക്കുകയാണ്
മികച്ച സേവനമാണ് നടത്തുന്നതെങ്കിലും ചില ഒറ്റപ്പെട്ട സംഭവങ്ങള് പോലീസ് സേനയ്ക്കു കളങ്കം ചാര്ത്തുന്നുണ്ടെന്നു മുഖ്യമന്ത്രി പിണറായി വിജയന്. പോലീസ് ഓഫീസേഴ്സ് അസോസിയേഷന് സംസ്ഥാന സമ്മേളനത്തില് പ്രതിനിധി സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
ഒറ്റപ്പെട്ട ഒരാള് ചെയ്യുന്ന തെറ്റായ കാര്യം പോലീസിന്റെ മുഖം വികൃതമാക്കുകയാണ്. ജനമൈത്രി പദ്ധതി പോലീസിന്റെ ധര്മത്തില്പ്പെടുന്നതല്ലെന്നാണു പോലീസിന്റെ ഉന്നത സ്ഥാനത്തിരുന്നിരുന്ന ഒരു വ്യക്തി കഴിഞ്ഞ ദിവസം പറഞ്ഞത്.
കൊലപാതകവും അക്രമവും ഉണ്ടായ ശേഷം മാത്രം പോലീസ് ഇടപെട്ടാല് മതിയെന്ന രീതിയാണോ സ്വീകരിക്കേണ്ടത്? അദ്ദേഹം പോലീസിലുണ്ടായിരുന്ന സമയത്ത് ഇതേ രീതിയിലാണോ കാര്യങ്ങളെ കൈകാര്യം ചെയ്തതെന്ന് സംശയിക്കേണ്ടിയിരിക്കുന്നു. ഇദ്ദേഹത്തിന്റെ പരാമര്ശങ്ങള് ആരും മാതൃകയാക്കേണ്ടതില്ലെന്നും മുഖ്യമന്ത്രി പറഞ്ഞു.
ജനമൈത്രി പദ്ധതിക്കെതിരേ മുന് ഡി.ജി.പി: ടി.പി. സെന്കുമാര് കഴിഞ്ഞ ദിവസം വിമര്ശനമുന്നയിച്ചിരുന്നു. ഇതിനോടുള്ള പ്രതികരണമായിരുന്നു മുഖ്യമന്ത്രിയുടെ വാക്കുകള്. ക്രിമിനലുകള്ക്കെതിരേ നടപടിയെടുക്കുന്ന പോലീസുകാര്ക്കൊപ്പം സര്ക്കാരുണ്ടാകുമെന്ന് മുഖ്യമന്ത്രി വ്യക്തമാക്കി.
സംസ്ഥാന പ്രസിഡന്റ് ഡി.കെ. പൃഥ്വിരാജ് അധ്യക്ഷത വഹിച്ചു. എം.എല്.എമാരായ തിരുവഞ്ചൂര് രാധാകൃഷ്ണന്, കെ.സുരേഷ് കുറുപ്പ്, സംസ്ഥാന പോലീസ് മേധാവി ലോക്നാഥ് ബെഹ്റ, അസോസിയേഷന് ജനറല് സെക്രട്ടറി സി.ആര് ബിജു, ആംഡ് പൊലീസ് ബറ്റാലിയന് ഡി.ഐ.ജി: ഷെഫിന് അഹമ്മദ്, കെ.പി.എസ്.ഒ.എ സംസ്ഥാന കമ്മിറ്റി അംഗം കെ.ഇ ബൈജു, കേരള പോലീസ് അസോസിയേഷന് ജനറല് സെക്രട്ടറി പി.ജി അനില്കുമാര്, ജില്ലാ പോലീസ് മേധാവി വി.എം മുഹമ്മദ് റഫീഖ്, സി.പി.എം ജില്ലാ സെക്രട്ടറി വി.എന് വാസവന് അസോസിയേഷന് സംസ്ഥാന നിര്വാഹക സമിതി അംഗം വി.കെ പൗലോസ് എന്നിവര് പ്രസംഗിച്ചു.
https://www.facebook.com/Malayalivartha
