കണ്ണൂര്‍ അഞ്ചരക്കണ്ടി മെഡിക്കല്‍ കോളേജ്, പാലക്കാട് കരുണ മെഡിക്കല്‍ കോളേജ് എന്നിവിടങ്ങളിലെ വിദ്യാര്‍ത്ഥി പ്രവേശം ഒരിക്കല്‍ കൂടി ചര്‍ച്ചയാകുകയാണ്. ഈ വിദ്യാര്‍ത്ഥികളുടെ പ്രവേശനം ക്രമവത്ക്കരിക്കന്നതിനായി ഭരണ പ്രതിപക്ഷ ഭേദമില്ലാതെ ഏകകണ്ഠമായ ഒന്നിച്ചു. എന്നാല്‍ സുപ്രീം കോടതി ബില്ലിനെ സ്റ്റേ ചെയ്യുകയും ചെയ്തു. ഈ സമയത്ത് ചില മാധ്യമങ്ങളുടെ നിലപാടുകള്‍ വിരുദ്ധമായിരുന്നു. ആദ്യം വിദ്യാര്‍ത്ഥികള്‍ക്ക് വേണ്ടി ആദ്യം രംഗത്തെത്തിയത് മാധ്യമങ്ങളാണെന്ന് തെളിവുകള്‍ വ്യക്തമാക്കുന്നു. മാനേജുമെന്റുകളുടെ ചട്ട ലംഘനത്തെ എതിര്‍ത്തതോടൊപ്പം അവിടെ പഠിക്കുന്ന 169 വിദ്യാര്‍ത്ഥികളുടേയും അവരുടെ രക്ഷിതാക്കളുടേയും വേദനകള്‍ പലമാധ്യമങ്ങളും റിപ്പോര്‍ട്ട് ചെയ്തിരുന്നു. ഇതോടൊപ്പം കേരളത്തിലെ പ്രധാന രാഷ്ട്രീയ പാര്‍ട്ടികളെല്ലാം തന്നെ വിദ്യാര്‍ത്ഥികളുടെ ഭാവി സുരക്ഷിതമാക്കണമെന്ന് രേഖാമൂലം സര്‍ക്കാരിനോടഭ്യര്‍ത്ഥിച്ചിരുന്നു. ഇതിന്റെയടിസ്ഥാനത്തില്‍ ഇക്കാര്യങ്ങള്‍ വിശദമായി പരിശോധിച്ചതിന് ശേഷമാണ് പ്രവേശനം ക്രമവത്ക്കരിക്കന്നതിനായി നിയമസഭയില്‍ ബില്‍ കൊണ്ടു വന്നത്. അങ്ങനെയാണ് ബില്‍ നിയമസഭയില്‍ ഏകകണ്ഠമായി പാസായത്.

2016-17ല്‍ രണ്ട് മെഡിക്കല്‍ കോളേജുകളിലായി 169 കുട്ടികളേയാണ് സര്‍ക്കാരുമായി ധാരണയുണ്ടാക്കാതെ എം.ബി.ബി.എസിന് പ്രേവേശിപ്പിച്ചത്. സര്‍ക്കാരിനോട് സഹകരിക്കാതിരുന്ന ഈ മാനേജുമെന്റുകള്‍ രേഖകളൊന്നും തന്നെ ഹാജരാക്കിയിരുന്നില്ല. തുടര്‍ന്നാണ് ചട്ടങ്ങള്‍ ലംഘിച്ചാണ് എം.ബി.ബി.എസിന് പ്രവേശിപ്പിച്ചതെന്ന് കണ്ടെത്തിയതും കോടതികളുടെ വിധിയുണ്ടായതും. എന്നാല്‍ ഈ 169 വിദ്യാര്‍ത്ഥികളുടെ ഭാവിയെപ്പറ്റി മാധ്യമങ്ങളും രാഷ്ട്രീയ പാര്‍ട്ടികളും സജീവമായി ചര്‍ച്ചചെയ്തു. ലക്ഷക്കണക്കിന് ലോണെടുത്താണ് ഓരോ വിദ്യാര്‍ത്ഥിയും പഠിക്കുന്നത്. ഇവരുടെ അംഗീകാരം റദ്ദാക്കിയാല്‍ അത് മറ്റൊരു സാമൂഹിക പ്രശ്‌നമായി മാറും. ഇതുകാരണം പലര്‍ക്കും മാനസിക പ്രശ്‌നങ്ങളുള്ളതായും ആത്മഹത്യയുടെ വക്കിലാണെണെന്നും മാധ്യമങ്ങള്‍ പോലും റിപ്പോര്‍ട്ട് ചെയ്തിട്ടുണ്ട്. പ്രമുഖ പത്രത്തില്‍ അന്ന് വന്ന വാര്‍ത്ത ഇങ്ങനെയാണ്.

എന്നാല്‍ കഴിഞ്ഞ ദിവസം അതേ പത്രത്തില്‍ വന്നതാകട്ടെ ഇങ്ങനെയും

ബിജെപി സംസ്ഥാന പ്രസിഡന്റ് കുമ്മനം രാജശേഖരന്‍, മുസ്ലീംലീഗ് നേതാവ് കുഞ്ഞാലിക്കുട്ടി, വിവിധ യുഡിഎഫ് നേതാക്കള്‍ എന്നിവര്‍ ഈ കുട്ടികളുടെ ഭാവിക്കായി സര്‍ക്കാരിന് കത്ത് നല്‍കിയിരുന്നു. കക്ഷിരാഷ്ട്രീയം മറന്ന് എല്ലാവരും ഒറ്റക്കെട്ടായി ഈ കാര്യത്തില്‍ രംഗത്തെത്തിയതോടെ ഇതിനെപ്പറ്റി സര്‍ക്കാര്‍ പരിശോധന നടത്തി.

പരിശോധനയില്‍ ഈ വിദ്യാര്‍ത്ഥികള്‍ മെഡിക്കല്‍ വിദ്യാഭ്യാസം പഠിക്കാന്‍ യോഗ്യതയുള്ളവരുമാണെന്നാണ് കണ്ടെത്തിയത്. ഇവരെല്ലാം തന്നെ നീറ്റ് പരീക്ഷയില്‍ മികച്ച റാങ്കുള്ളവരുമാണ്. ഇവരെക്കാള്‍ കുറഞ്ഞ റാങ്കുള്ളവര്‍ പോലും മറ്റ് പല മെഡിക്കല്‍ കോളേജുകളില്‍ പഠിക്കുന്നുണ്ട്. ഈയൊരു കണ്ടെത്തലിന്റെ പശ്ചാത്തലത്തിലാണ് സര്‍ക്കാര്‍ ബില്‍ നിയമസഭയിലപതരിപ്പിച്ചതെന്നാണ് വിവിധ രാഷ്ട്രീയ നേതാക്കള്‍ പറയുന്നത്.  അതേസമയം മാനേജുമെന്റിന്റെ തീരുമാനത്തെ ഒരു തരത്തിലും അംഗീകരിക്കുന്നില്ലെന്നുമാണ് നേതാക്കള്‍ പറയുന്നത്.