കെ എസ് ആര് ടി സി നിയമനങ്ങള് വൈകുന്നതിന് കാരണം സാമ്പത്തിക പ്രതിസന്ധിയെന്ന് മന്ത്രി എ കെ ശശീന്ദ്രന്
കെ എസ് ആര് ടി സി നിയമനങ്ങൾ വൈകുന്നതിന് കാരണം സാമ്പത്തിക പ്രതിസന്തിയെന്ന് ഗതാഗതവകുപ്പ് മന്ത്രി എ കെ ശശീന്ദ്രന്. കെ എസ് ആര് ടി സി കണ്ടക്ടര് ലിസ്റ്റില് ഉള്പെട്ട ഉദ്യോഗാര്ത്ഥികള് നിയമനം ലഭിക്കാത്തതിനെ തുടർന്ന് സെക്രട്ടേറിയേറ്റ് മുൻപാകെ ഒരു മാസത്തിലേറെയായി നിശ്ചിതകാല സമരം നടത്തുകയാണ്. നിലവില് നാലായിരത്തിലധികം പേരാണ് നിയമനം കാത്ത് കഴിയുന്നത്.
നിലവിലുള്ളവരുടെ ശമ്പളവും, പെന്ഷനടക്കമുള്ള ആനുകൂല്യങ്ങളും കെ എസ് ആര് ടി സിക്ക് കൃത്യമായി നല്കാനാവുന്നില്ല. ഈ സാഹചര്യത്തിലാണ് പുതിയ നിയമനങ്ങള് കൂടി. നിലവിലെ സാമ്പത്തിക പ്രതിസന്ധി മറികടക്കുന്ന പക്ഷം പുതിയ നിയമനങ്ങളിൽ നടപടിയുണ്ടാക്കും എന്ന് മന്ത്രി വ്യക്തമാക്കി.
ലിസ്റ്റിന്റെ കാലാവധി തീരുന്നതിന് മുമ്പ് നിയമനം നൽകാൻ സാധിച്ചിട്ടില്ലെങ്കിന് ലിസ്റ്റിന്റെ കാലാവധിയില് ഇളവ് നല്കുന്നതടക്കുള്ള കാര്യങ്ങള് പി എസ് സി യുമായി ചര്ച്ച ചെയ്ത് തീരുമാനിക്കും എന്ന് മന്ത്രി വ്യക്തമാക്കി. അതേ സമയം സെക്രട്ടേറിയേറ്റ് പടിക്കല് ഒരു മാസത്തിലേറെയായി നടക്കുന്ന ഉദ്യോഗാര്ത്ഥികളുടെ സമരം അനിശ്ചിതകാല നിരാഹാര സമരമായി മാറിയിട്ടുണ്ട്.
https://www.facebook.com/Malayalivartha
