അപ്രതീക്ഷിതമായി പ്രഖ്യാപിച്ച സർക്കാർ ഡോക്ടർമാരുടെ സമരത്തിൽ വലഞ്ഞത് സാധാരണ ജനങ്ങൾ.വ്യാ​ഴാ​ഴ്ച വൈ​കി സ​മ​രം പ്ര​ഖ്യാ​പി​ച്ച​തി​നാ​ൽ ഈ ​വി​വ​രം അ​റി​യാ​തെ മി​ക്ക​വ​രും ആ​ശു​പ​ത്രി​യി​ൽ എ​ത്തി. ഇ​തേ​തു​ട​ർ​ന്ന് അ​വ​ശ​നി​ല​യി​ൽ ആ​ശു​പ​ത്രി​യി​ൽ എ​ത്തി​യ​വ​ർ പോ​ലും കു​ടു​ങ്ങി.

എന്നാൽ തിരുവനന്തപുരം ജനറൽ ആശുപത്രിയിലെ ഡോക്ടർമാരുടെ സമയോചിതമായ ഇടപെടൽ രോഗികൾക്ക് ആശ്വാസമായി. സമരം ചെയ്യുന്ന ഡോക്ടർമാർക്ക് ഐക്യദാർഡ്യം പ്രഖ്യാപിച്ചു കൊണ്ട് ആശുപത്രിക്ക് പുറത്ത് രോഗികൾക്കായി ചികിത്സ ഒരുക്കുകയായിരുന്നു. ജനറൽ ആശുപത്രിയിലെ അഞ്ചോളം ഡോക്ടർമാർ ആശുപത്രിയുടെ നടുത്തളത്തിൽ ഇരുന്നാണ് രോഗികളെ  ചികിത്സിച്ചത്‌ എന്നാൽ ജനറൽ ആശുപത്രിൽ ഇന്ന് രോഗികൾ പതിവിലും കുറവാണെന്ന്ജനറൽ ആശുപത്രി സീനിയർ ഡോക്ടറായ ഡോ.ജോസഫ് മലയാളി വാർത്തയോട് പ്രതികരിച്ചു.  

ആ​വ​ശ്യ​മാ​യ ഡോ​ക്ട​ർ​മാ​രേ​യും ജീ​വ​ന​ക്കാ​രേ​യും നി​യ​മി​ക്കാ​തെ കു​ടും​ബാ​രോ​ഗ്യ കേ​ന്ദ്ര​ങ്ങ​ളി​ൽ സാ​യാ​ഹ്ന ഒ​പി ആ​രം​ഭി​ച്ച​തി​ൽ പ്ര​തി​ഷേ​ധി​ച്ചാ​ണ് സ​ർ​ക്കാ​ർ ഡോ​ക്ട​ർ​മാ​ർ അ​നി​ശ്ചി​ത​കാ​ല സ​മ​രം ആ​രം​ഭി​ച്ച​ത്. മു​ന്നൊ​രു​ക്ക​മി​ല്ലാ​തെ കു​ടും​ബാ​രോ​ഗ്യ കേ​ന്ദ്ര​ങ്ങ​ളി​ൽ സാ​യാ​ഹ്ന ഒ​പി​ക​ൾ തു​ട​ങ്ങി​യ​തി​ൽ പ്ര​തി​ഷേ​ധി​ച്ചു ജോ​ലി​യി​ൽ​നി​ന്നു വി​ട്ടു​നി​ന്ന പാ​ല​ക്കാ​ട് കു​മ​രം​പു​ത്തൂ​ർ കു​ടും​ബാ​രോ​ഗ്യ​കേ​ന്ദ്ര​ത്തി​ലെ ഡോ. ​ല​തി​ക​യെ സ​സ്പെ​ൻ​ഡ് ചെ​യ്യു​ക​യും ര​ണ്ടു ഡോ​ക്ട​ർ​മാ​ർ​ക്ക് നോ​ട്ടീ​സ് ന​ൽ​കു​ക​യും ചെ​യ്ത​തി​നെ തു​ട​ർ​ന്നാ​ണ് സ​മ​രം പ്ര​ഖ്യാ​പി​ച്ച​ത്. മെ​ഡി​ക്ക​ൽ കോ​ള​ജ് ഒ​ഴി​കെ​യു​ള്ള ആ​ശു​പ​ത്രി​ക​ളി​ലാ​ണ് സ​മ​രം.

അതേസമയം ജോ​ലി​ക്കു ഹാ​ജ​രാ​കാ​ത്ത ഡോ​ക്ട​ർ​മാ​ർ​ക്കെ​തി​രേ ശ​ക്ത​മാ​യ ന​ട​പ​ടി​യെ​ടു​ക്കു​മെ​ന്ന് ആ​രോ​ഗ്യ​മ​ന്ത്രി കെ.​കെ. ശൈ​ല​ജ മു​ന്ന​റി​യി​പ്പു ന​ൽ​കി. സ​ർ​ക്കാ​രി​ന്‍റെ ആ​ർ​ദ്രം പ​ദ്ധ​തി ത​ക​ർ​ക്കാ​നു​ള്ള ശ്ര​മ​മാ​ണു ഡോ​ക്ട​ർ​മാ​രു​ടെ സ​മ​ര​ത്തി​നു പി​ന്നി​ലെ​ന്നും ആ​രോ​ഗ്യ​മ​ന്ത്രി ആ​രോ​പി​ച്ചു. മെ​ഡി​ക്ക​ൽ കോ​ളേ​ജു​ക​ൾ ഒ​ഴി​കെ​യു​ള്ള സ​ർ​ക്കാ​ർ ആ​ശു​പ​ത്രി​ക​ളി​ലെ ഡോ​ക്ട​ർ​മാ​രാ​ണ് പ​ണി​മു​ട​ക്കു​ന്ന​ത്.