വരാപ്പുഴ ശ്രീജിത്ത് മരണക്കേസില്‍ കസ്റ്റഡിയിലെടുത്ത മൂന്ന് പൊലീസുകാരെ വിട്ടയച്ചു. ആവശ്യമെങ്കില്‍ ഹാജരാകണമെന്നാവശ്യപ്പെട്ടാണ് വിട്ടയച്ചിട്ടുള്ളത്. റൂറല്‍ ടൈഗര്‍ ഫോഴ്സ് അംഗങ്ങളായ ജിതിന്‍രാജ്, സന്തോഷ് കുമാര്‍, സുമേഷ് എന്നിവരെയാണ് പ്രത്യേക അന്വേഷണ സംഘം കസ്റ്റഡയിലെടുത്തത്.

ഇവരെ ആലുവ പോലീസ് ക്ലബ്ബില്‍ വെച്ച്‌ ഐജി. എസ്. ശ്രീജിത്തിന്റെ നേതൃത്വത്തില്‍ ചോദ്യം ചെയ്‌തുവരവെയാണ് വിട്ടയച്ചത്. വീടുവളഞ്ഞ് രാത്രിയില്‍ ക്രൂരമായി മര്‍ദ്ദിച്ച്‌ ശ്രീജിത്തിനെ കസ്‌റ്റഡിയിലെടുത്ത ഇവരെ നേരത്തെ സസ്‌പെന്‍ഡ് ചെയ്‌തിരുന്നു.