ഗുരുവായൂർ നഗരസഭയിലെ എസ് സി വിദ്യാർത്ഥികൾക്കായി സൈക്കിൾ വിതരണം ചെയ്തു ബഹു: നഗരസഭ ചെയർപേഴ്സൻ പ്രൊഫ: പി. കെ .ശാന്തകുമാരി വിതരണോദ്ഘാടനം നടത്തി നഗരസഭ വൈസ് ചെയർമാൻ കെ.പി വിനോദ് ചടങ്ങിൽ അദ്ധ്യക്ഷത വഹിച്ചു .

ജനകീയാസൂത്രണ പദ്ധതി പ്രകാരം 3,76000 രൂപചിലവഴിച്ച് നഗരസഭ പരിധിയിലുള്ള 9, 10 ക്ലാസ്സുകളിൽ പഠിക്കുന്ന 94 വിദ്യാർത്ഥികൾക്കാണ് സൈക്കിൾ വിതരണം ചെയ്തത്.
സ്റ്റാൻഡിങ് കമ്മറ്റി അദ്ധ്യക്ഷരായ നിർമ്മല കേരളൻ , എം.രതി ടീച്ചർ വാർഡ് കൗൺസിലർമാരായ ടി എസ് ഷനിൽ , ബഷീർ പൂക്കോട് , ഹബീബ് നാറാണത്ത് , എം എ ഷാഹിന , രമിത സന്തോഷ് , മീന പ്രമോദ് , സുനിത അരവിന്ദൻ എസ് സി പ്രമോട്ടർമാരായ കിഷോർ കുമാർ , ടി.ജി രഹന , രമിത സുമേഷ് എന്നിവർ ആശംസകളർപ്പിച്ച് സംസാരിച്ചു . സുരേഷ് വാര്യർ സ്വാഗതവും പട്ടികജാതി വികസന ഓഫീസർ സി.വി ശ്രീജ നന്ദിയും പറഞ്ഞു