കാർ ഓടിച്ചു പോവുകയായിരുന്ന യുവതി  ബ്രേക്കിന്  പകരം ചവിട്ടിയത് ആക്സിലേറ്റർ അവസാനം വാഹനങ്ങളുടെ കൂട്ടിയിടിയിൽ കലാശിച്ചു. ഏറ്റുമാനൂര്‍ കുരിശുപള്ളിക്കു സമീപം വാഹനങ്ങളുടെ കൂട്ടയിടിക്ക് കാരണമായി . കാര്‍ ഓടിച്ച് പോവുകയായിരുന്ന യുവതി ബ്രേക്കിന് പകരം ചവിട്ടിയത് ആക്‌സിലറേറ്ററിലാണ്. ഇതാണ് പ്രശ്‌നങ്ങള്‍ക്ക് കാരണമായത്.

കോട്ടയത്തേക്ക് കാറുമായി പോയ പെരുമ്പാവൂര്‍ സ്വദേശിനി എതിര്‍ ദിശയില്‍ വന്ന ലോറിക്ക് സൈഡുകൊടുക്കാനാണ് ബ്രേക്കിന് പകരം അബദ്ധത്തില്‍ ആക്‌സിലറേറ്ററില്‍ ചവിട്ടിയത്. ഇതോടെ മുന്നോട്ട് കുതിച്ച് കാര്‍ നിയന്ത്രണം വിട്ട് എതിരേ വന്ന മൂന്നു കാറ്, ഒരു ബൈക്ക്, ഓട്ടോറിക്ഷ തുടങ്ങിയവയില്‍ ഇടിച്ചു.

അതിനു ശേഷം റോഡിന് സമീപമുള്ള പഴക്കടയിലും ഇടിച്ചാണ് വാഹനം നിന്നത്. കാര്‍ ഓടിച്ച യുവതിക്ക് സംഭവത്തില്‍ പരിക്കേറ്റു. ഇതേ തുടര്‍ന്ന് യുവതി കോട്ടയം മെഡിക്കല്‍ കോളജാശുപത്രിയില്‍ പ്രവേശിപ്പിച്ചു.