ഒരു വാട്സ് ആപ് സന്ദേശം കേരളത്തെ വിറപ്പിച്ചു; പത്രക്കാരും പോലീസുകാരും പറഞ്ഞു ആരും ഹര്ത്താല് പ്രഖ്യാപിച്ചിട്ടില്ലെന്ന്; എന്നത്തേയും പോലെ പുറത്തിറങ്ങിയ ജനം വെട്ടിലായി; കടകള് അടിച്ചു തകര്ത്തു; വ്യാപകമായി കടകള് തകര്ത്തതില് പ്രതിഷേധിച്ച് വ്യാപാരി ഹര്ത്താല്
സോഷ്യല് മീഡിയയിലൂടെ പ്രചരിച്ച ഒരു സന്ദേശം കാട്ടുതീപോലെ പടര്ന്നപ്പോള് സമരമായി. പത്രക്കാരും പോലീസുകാരും പറഞ്ഞു ആരും ഹര്ത്താല് പ്രഖ്യാപിച്ചിട്ടില്ലെന്ന്. എന്നാല് നിരത്തിലറങ്ങിയ ജനം വെട്ടില്. കഴിഞ്ഞ ദിവസം നടത്തിയ ഹര്ത്താലില് വ്യാപമായി കടകള് തകര്ത്തതില് പ്രതിഷേധിച്ച് മലപ്പുറം താനൂരില് ഇന്ന് വ്യാപാരി ഹര്ത്താല്. ഹര്ത്താലിന്റെ മറവില് കടകള് ആക്രമിച്ചതില് പ്രതിഷേധിച്ചാണ് നടപടി.വ്യാപാരി വ്യവസായി ഏകോപന സമിതിയാണ് ഹര്ത്താല് പ്രഖ്യാപിച്ചത്.
ഹര്ത്താലില് അക്രമങ്ങള് അരങ്ങേറിയതോടെ മലപ്പുറം ജില്ലയുടെ ചില ഭാഗങ്ങളില്നിരോധനാജ്ഞ പ്രഖ്യാപിച്ചിട്ടുണ്ട്. കേരളാ പൊലീസ് നിയമം 78,79 വകുപ്പ് പ്രകാരം മലപ്പുറം ജില്ലാ പൊലീസ് മേധാവി ദേബേഷ് കുമാര് ബെഹ്റയാണ് നിരോധനാജ്ഞപ്രഖ്യാപിച്ചത്.
കത്വ സംഭവത്തില് കുറ്റവാളികള്ക്ക് പരമാവധി ശിക്ഷ നല്കണമെന്നാവശ്യപ്പെട്ടാണ് സോഷ്യല് മീഡിയ ജനകീയ ഹര്ത്താലിന് ആഹ്വാനം ചെയ്യുകയായിരുന്നു. ഹര്ത്താലിന്റെ മറവില് വ്യാപക അക്രമങ്ങളും പൗരാവകാശ ധ്വംസനങ്ങളും നടന്നതായി ജില്ലാ സ്പെഷ്യല് ബ്രാഞ്ച് റിപ്പോര്ട്ട് ചെയ്തതിനെ തുടര്ന്ന് ജില്ലയിലെ താനൂര്, തിരൂര്, പരപ്പനങ്ങാടി പൊലീസ് സ്റ്റേഷന് പരിധികളിലാണ് നിരോധനാജ്ഞപ്രഖ്യാപിച്ചത്.
ഇന്നലെ വൈകിട്ട് നാലു മണി മുതല് ഏഴു ദിവസത്തേക്കാണ് നിരോധനാജ്ഞ പ്രഖ്യാപിച്ചിരുന്നത്. അക്രമാസക്തമായി ജനങ്ങള് സംഘടിക്കുന്നതും പൊതുസമ്മേളനങ്ങള് പ്രകടനങ്ങള് എന്നിവയും നിരോധിച്ചിരുന്നു . അക്രമാസക്തമായി ജനങ്ങള് സംഘടിക്കുന്നതും പൊതുസമ്മേളനങ്ങള് പ്രകടനങ്ങള് എന്നിവയും നിരോധിച്ചിരുന്നു.
ജനകീയ ഹര്ത്താല് എന്ന പേരില് വ്യാപകമായ അക്രമങ്ങളാണ് ഇന്നലെ അരങ്ങേറിയത്. വാഴക്കുളത്ത് സോഷ്യല് മീഡിയ കൂട്ടായിമ എന്ന പേരില് ഹര്ത്താല് അനുകൂലികള് കടകള് ബലമായി അടപ്പിച്ചു സ്വകാര്യ ബസുകളില് നിന്ന് യാത്രക്കാരെ പിടിച്ചിറക്കി . വാഴക്കുളത്ത് രാവിലെ മുതല് ബൈക്കില് എത്തിയ യുവസംഘം സമരമുറയുമായി ജനങ്ങളെ വലച്ചു.
https://www.facebook.com/Malayalivartha
