ഗള്‍ഫില്‍ നിന്നു കുടുംബത്തോടൊപ്പം നാട്ടിലെത്തിയ ഏഴു വയസുകാരന്‍ മണല്‍ ലോറിയിടിച്ചു മരിച്ചു. കോട്ടപ്പുറം ആനച്ചാലിലെ സുബൈര്‍ ഫര്‍സാന ദമ്പതികളുടെ മകന്‍ മുഹമ്മദ് ഷാസിലാണ് മരിച്ചത്. ഇന്ന് രാവിലെ 11 മണിയോടെയായിരുന്നു അപകടം. അടുത്ത വീട്ടിലേക്ക് നടന്നു പോവുന്നതിനിടെ കോട്ടപ്പുറം ഭാഗത്തേക്ക് പോവുകയായിരുന്ന ലോറിയാണ് ഇടിച്ചത്.

ഇടിയുടെ ആഘാതത്തില്‍ തെറിച്ചുവീണു ഗുരുതരമായി പരിക്കേറ്റ കുട്ടിയെ മംഗലാപുരത്തെ ആശുപത്രിയിലേക്ക് കൊണ്ടുപോകുന്നതിനിടെയായിരുന്നു അന്ത്യം. നമ്പര്‍ പ്ലേറ്റില്ലാതെ അനധികൃതമായി മണല്‍ കടത്തിയ ലോറിയാണ് അപകടം വരുത്തിവച്ചതെന്ന് നാട്ടുകാര്‍ പറഞ്ഞു. കോട്ടപ്പുറം പാലം തുറന്നുകൊടുത്തതോടെ ഈ ഭാഗങ്ങളില്‍ അപകടം പതിവായിരിക്കുകയാണ്.