ഇടുക്കി രാജാക്കാട് സേനാപതിയില്‍ പഞ്ചായത്ത് നടപ്പിലാക്കുന്ന ദുരിതാശ്വാസ ചികിത്സാസഹായനിധിയുടെ ഫണ്ട് സമര്‍പ്പണ വിതരണോദ്ഘാടന ചടങ്ങില്‍ സംഘടനയെ അപമാനിച്ചു എന്നാരോപിച്ച്‌ ബി.ജെ.പി പഞ്ചായത്ത് കമ്മറ്റിയുടെ ആഭിമുഖ്യത്തില്‍ പഞ്ചായത്ത് ഓഫീസ് ഉപരോധിച്ചു. പ്രസിഡന്റ് ജോയി തോമസ് അദ്ധ്യക്ഷത വഹിച്ചു.

ഉടുമ്ബന്‍ചോല നിയോജകമണ്ഡലം പ്രസിഡന്റ് കെ.കുമാര്‍ ഉദ്ഘാടനം ചെയ്തു. മണ്ഡലം ജനറല്‍ സെക്രട്ടറി അനില്‍ കാട്ടുപാറ, സെക്രട്ടറി ഇ.പി ജയചന്ദ്രന്‍, താലൂക്ക് വൈസ് പ്രസിഡന്റ് കെ.ഡി. അജയകുമാര്‍, കര്‍ഷകമോര്‍ച്ച മണ്ഡലം പ്രസിഡന്റ് ബാലന്‍ തെക്കേരിക്കല്‍, പഞ്ചായത്ത് ജനറല്‍ സെക്രട്ടറി മോഹനന്‍ എന്നിവര്‍ പങ്കെടുത്തു