ബി ജെ പി സംസ്ഥാന അധ്യക്ഷന്‍ കുമ്മനം രാജശേഖരനെ മിസോറം ഗവര്‍ണറായി നിയമിച്ചെന്ന വാര്‍ത്തയ്ക്കു പിന്നാലെ വന്‍ ഒച്ചപ്പാടും ബഹളങ്ങളുമായിരുന്നു സോഷ്യല്‍ മീഡിയയില്‍. കേരളത്തില്‍ നിന്നുള്ള ആദ്യ ഗവര്‍ണര്‍ എന്ന നിലയിലായിരുന്നു കുമ്മനത്തിന്റെ പദവിയെ സംഘപരിവാര്‍ ഉയര്‍ത്തിക്കാട്ടിയത്. ഇരു വിഭാഗങ്ങളും തമ്മില്‍ ഇക്കാര്യത്തില്‍ സോഷ്യല്‍ മീഡിയയില്‍ പോരടിക്കുകയും ചെയ്തു.

എന്നാല്‍ ഒരു സംസ്ഥാനത്തിന്റെ ഗവര്‍ണറാകുന്ന ആദ്യത്തെ മലയാളിയാണോ കുമ്മനം രാജശേഖരന്‍? ഇതുവരെ 15 മലയാളികള്‍ കേരളത്തിന്റേതടക്കം ഇന്ത്യയുടെ വിവിധ സംസ്ഥാനങ്ങളിലെ ഗവര്‍ണര്‍ പദവി അലങ്കരിച്ചിട്ടുണ്ട്.

സ്വാതന്ത്ര്യം ലഭിച്ചതിനു ശേഷം ഇന്ത്യാ രൂപീകരണത്തില്‍ വലിയ പങ്കുവഹിച്ച വി പി മേനോനാണ് ഈ പട്ടികയിലെ ആദ്യ പേരുകാരന്‍. 1951ല്‍ ഒഡീഷയുടെ ഗവര്‍ണറായിരുന്നു ഇദ്ദേഹം. ബാക്കി ആളുകള്‍ ഇവരാണ്;

എ ജെ ജോണ്‍ മദ്രാസ് 195657

പട്ടം എ താണുപിള്ള പഞ്ചാബ് 196264, ആന്ധ്രാപ്രദേശ് 196468

പി വി ചെറിയാന്‍ മഹാരാഷ്ട്ര 196469

വി വിശ്വനാഥന്‍ ഹിമാചല്‍പ്രദേശ് 1964, കേരള 1967

കെ കെ വിശ്വനാഥന്‍ ഗുജറാത്ത് 197378

എ എ റഹീം മേഘാലയ 1989

കെ സി അബ്രഹാം ആന്ധ്രാപ്രദേശ് 197883

എം എം തോമസ് നാഗാലാന്‍ഡ് 19901992

പി സി അലക്‌സാണ്ടര്‍ തമിഴ്‌നാട് 19882002, മഹാരാഷ്ട്ര 19932002, ഗോവ 1996 1998

എം എം ജേക്കബ് മേഘാലയ 1995, 2000, അരുണാചല്‍ പ്രദേശ് 1996

ജസ്റ്റിസ് ഫാത്തിമ ബീവി തമിഴ്‌നാട് 19972001

എം കെ നാരായണന്‍ പശ്ചിമ ബംഗാള്‍ 2010

കെ ശങ്കര നാരായണന്‍ മഹാരാഷ്ട്ര 2010

വക്കം പുരുഷോത്തമന്‍ മിസോറം 2011

ഈ പട്ടികയിലേക്ക് പതിനാറാമനായാണ് കുമ്മനം രാജശേഖരന്റെ വരവ്. കേരളത്തില്‍ നിന്ന് സംഘപരിവാര്‍ പശ്ചാത്തലമുള്ള ആദ്യ ഗവര്‍ണര്‍. ഈ പട്ടികയില്‍ പട്ടം താണു പിള്ളയ്ക്കു ശേഷം കോണ്‍ഗ്രസുകാരനല്ലാത്ത ആദ്യ രാഷ്ടീയക്കാരനും കുമ്മനമാണ്. പട്ടം താണു പിള്ള കോണ്‍ഗ്രസ് വിട്ട ശേഷമാണ് ഗവര്‍ണര്‍ സ്ഥാനത്തെത്തുന്നത്.

ഇതില്‍ വി പി മേനോന്‍, പി സി അലക്‌സാണ്ടര്‍, ജസ്റ്റിസ് ഫാത്തിമ ബീവി, എം കെ നാരായണന്‍, പി വി ചെറിയാന്‍, വി വിശ്വനാഥന്‍, എം എം തോമസ് തുടങ്ങിയവര്‍ രാഷ്ട്രീയ ബന്ധമില്ലാത്തവരായിരുന്നു. കെ കെ വിശ്വനാഥന്‍, എ എ റഹീം, കെ സി അബ്രഹാം, എം എം ജേക്കബ്, കെ ശങ്കര നാരായണന്‍, വക്കം പുരുഷോത്തമന്‍ എന്നീ ആറുപേര്‍ കോണ്‍ഗ്രസ് രാഷ്ട്രീയക്കാരായിരുന്നു. സി പി എം ബന്ധമുള്ള ഒരാളും തന്നെ ഈ പട്ടികയിലില്ല.