കെവിനെ കൊല്ലണമെന്ന വാശി അമ്മയ്ക്കായിരുന്നു... ഗുണ്ടകൾക്ക് ക്വട്ടേഷൻ കൊടുത്തത് ഒന്നര ലക്ഷത്തിന്; മാന്നാനത്തെ വീട്ടില് നിന്നും കൊണ്ടുപോയപ്പോള് മുതല് ഇടിക്കട്ട കൊണ്ടുള്ള ഇടിയായിരുന്നു... കണ്ണും മൂക്കും അതോടെ തകർന്നു...
നീനുവിനെ പ്രണയിച്ച കെവിനെ കൊല്ലണമെന്ന വാശി മാതാവിനായിരുന്നെന്നും കൊല്ലാനുള്ള നിര്ദേശം മാതാപിതാക്കളുടേതായിരുന്നെന്നും അനീഷ്. മാന്നാനത്തെ വീട്ടില് നിന്നും കൊണ്ടുപോയപ്പോള് മുതല് മര്ദ്ദനം തുടങ്ങി. ഇടിക്കട്ട കൊണ്ടുള്ള ഇടിയായിരുന്നു. അത് കണ്ണും മൂക്കും തകര്ക്കുന്നതായിരുന്നെന്നും അനീഷ് പറഞ്ഞിട്ടുണ്ട്. കെവിനെ പിടിച്ചുകൊടുക്കാന് ഒന്നരലക്ഷത്തിന്റെ ക്വട്ടേഷനായിരുന്നെന്ന് ഗുണ്ടകള് പറയുന്നത് കേട്ടെന്നും അനീഷിനെ ഉദ്ധരിച്ച് ചില റിപ്പോര്ട്ടുകളുണ്ട്.
കെവിനൊപ്പം തട്ടിക്കൊണ്ടു പോയ അനീഷിന്റെ വണ്ടിയില് ഉണ്ടായിരുന്ന ഗുണ്ടകളുടെ ഫോണിലേക്ക് നിരന്തരം വിളികള് വന്നു കൊണ്ടിരുന്നെന്നും അവനെ കൊന്നുകളയാനായിരുന്നു നീനുവിന്റെ അമ്മ പറഞ്ഞതെന്നുമാണ് അനീഷിന്റെ ആരോപണം. അനീഷിനെ വണ്ടിയില് പൂട്ടിയിട്ടാണ് പ്രതികള് പിന്നീട് പോയത്.
അവര് നീനുവിന്റെ അമ്മയുടെ സഹോദരിയുടെ വീട്ടിലെത്തി കുളിച്ച് ഭക്ഷണം കഴിച്ചാണ് മടങ്ങിയത്. കെവിനെക്കുറിച്ച് ചോദിച്ചപ്പോള് അവന് ഓടിപ്പോയെന്നാണ് പറഞ്ഞത്. കെവിനെ കൊലപ്പെടുത്തിയ ശേഷമായിരിക്കാം പ്രതികള് ഇവിടേയ്ക്ക് പോയതും കുളിക്കുകയും ഭക്ഷണം കഴിക്കുകയും മറ്റും ചെയ്ത് തിരിച്ചു വന്നതുമെന്നും അനീഷ് സംശയിക്കുന്നു.
പിടിച്ചു കൊടുക്കുക മാത്രമാണ് തങ്ങളുടെ ചുമതലയെന്നും ഒന്നരലക്ഷത്തിന്റെ ക്വട്ടേഷന് ആണെന്നും സംഘത്തിലെ പ്രായം കുറഞ്ഞ അംഗമാണ് പറഞ്ഞത്. തങ്ങള് നിരപരാധികളാണെന്നും ഇതു കഴിഞ്ഞ് തങ്ങള് ഗോവയ്ക്ക് പോകുമെന്നും നിങ്ങളോട് ഞങ്ങള്ക്ക് ഒരു പിണക്കവുമില്ലെന്നും ഗുണ്ടകള് പറഞ്ഞു. കെവിന്റെ മൃതദേഹം കണ്ടെത്തിയ സ്ഥലത്തു വെച്ച് കെവിനെ താഴെ വലിച്ചിടുന്നത് അനീഷ് കണ്ടു. എന്നാല് അപ്പോള് കെവിന് മരിച്ചിരുന്നോ എന്ന് വ്യക്തമല്ലായിരുന്നു. മാതാപിതാക്കളുടെ അറിവോടെയല്ലാതെ കെവിനെ ഗുണ്ടകള് ആക്രമിക്കില്ലെന്ന് ഇന്നലെ നീനുവും പറഞ്ഞിരുന്നു.
https://www.facebook.com/Malayalivartha
