പ്രമുഖ നടനുൾപ്പട്ട വിവാദം സീരിയലാക്കി സൂര്യ ടിവിയുടെ അഗ്നിസാക്ഷി
06 JUNE 2018 06:30 PM IST
മലയാളി വാര്ത്ത
പരമ്പരയിലെ ശക്തമായ മൂന്നു സ്ത്രീ കഥാപാത്രങ്ങളായ പ്രമുഖ നർത്തകിയും ശ്യാമ സുന്ദറിന്റെ മുൻ ഭാര്യയുമായ ഇന്ദ്രജാ വർമ്മ, പ്രമുഖ മോഡൽ നിരഞ്ജന മഹാദേവൻ , ശ്യാം സുന്ദറിന്റെ നിലവിലെ ഭാര്യ പാർവതി ശങ്കർ അയാളുടെ മകൾ ഇവരെല്ലാം തന്നെ പ്രമുഖ നടന്റെ ജീവിതത്തോട് സാമ്യം തോന്നിപ്പിക്കുന്ന വിധത്തിലുള്ള കഥാപാത്രങ്ങളെയാണ് പ്രതിനിധാനം ചെയ്യുന്നത്. സീരിയലിന്റെ പ്രൊമോഷൻ വീഡിയോയിൽ നിന്നുതന്നെ പ്രേക്ഷകർക്ക് വളരെ എളുപ്പത്തിൽ അത് മനസിലാക്കാൻ സാധിക്കുന്നു.
സീരിയലിന്റെ ആദ്യ എപ്പിസോഡുകൾ ഇങ്ങനെ ; പ്രതിശ്രുത വരനായ സംവിധായകന്റെ പരസ്യ ചിത്രത്തിന്റെ ഷൂട്ടിംഗ് കഴിഞ്ഞ് രാത്രി തിരികെ പോകുന്ന പ്രമുഖ മോഡൽ കാറിൽ വച്ച് ആക്രമിക്കപ്പെടുന്നു. പീഡനത്തിനിരയായ നടി തുടർന്ന്കോമാ സ്റ്റേജിലാകുകയും ചെയ്യുന്നു. നടി ആക്രമിക്കപ്പെട്ട സംഭവത്തിൽ സർക്കാർ അന്വേഷണ ചുമതല സിറ്റി പോലീസ് കമ്മീഷണറെ ഏൽപ്പിക്കുന്നു. എന്നാൽ അന്വേഷണത്തിലെ അപാകതകൾ ചൂണ്ടി കാട്ടി കേസ് അന്വേഷണം അർച്ചന ഘോഷ് എന്ന ഐപിഎസ് കാരിയിലേക്ക് കൈമാറപ്പെടുന്നു.
ബിസിനെസ്സ് കാരനായ ശ്യാം സുന്ദറിന്റെ കഥാപാത്രത്തിലേക്ക് കടക്കുകയാണെങ്കിൽ നർത്തകിയായ ഭാര്യക്കും മകൾക്കുമൊപ്പമുള്ള സന്തോഷകരമായ ജീവിതത്തിനിടയിൽ പാർവതി എന്ന കഥാപാത്രം കടന്നു വരുന്നു അതോടുകൂടി ദാമ്പത്യത്തിൽ അസോരസ്യങ്ങൾ കടന്നു വരുകയും അത് അവരുടെ വേർപിരിയലിലേക്ക് കലാശിക്കുകയും ചെയ്തു. മകൾ അമ്മയെ വിട്ട് അച്ഛനും രണ്ടാനമ്മയ്ക്കുമൊപ്പം ജീവിക്കാൻ താൽപര്യം കാണിക്കുന്നു. അതേസമയം ആക്രമിക്കപ്പെട്ട നടിയും ശ്യാം സുന്ദറും തമ്മിലുള്ള ശത്രുതയും സീനിൽ വ്യക്തമാക്കുന്നു.
ഈ അടുത്ത കാലത്ത് ഒരു യുവ നദിയെ തട്ടികൊണ്ട് പോയ കേസുമായി ബന്ധപ്പെട്ട ഒരു പ്രമുഖ നടന്റെ അറസ്റ്റും ജയിൽ ജീവിതവും ഏറെ വിവാദമായിരുന്നു. ഈ സന്ദർഭവുമായി ബന്ധപെട്ട നിരവധി സന്ദർഭങ്ങൾ കോർത്തിണക്കിയാതാണ് ഈ സീരിയൽ എന്ന് പ്രേക്ഷകർ പറയുന്നു.
സീരിയലിലെ സഹനടിയായ പാർവതിയുടെ വ്യക്തിപരമായ വൈരാഗ്യവും ഗൂഡാലോചനയുമാണ് സഹനായികയായ നിരഞ്ജന എന്ന മോഡലിനെ കാറിൽ തട്ടികൊണ്ട് പോകുന്നതും ലൈംഗീകാതിക്രമത്തിന് ഇരയാക്കുന്നതും. എന്തായാലും വിവാദം വിട്ട് കാശാക്കുന്ന തന്ത്രപ്പാടിലാണ് സീരിയൽ അണിയറ പ്രവർത്തകർ.
മെയ് 28 ന് സംപ്രേഷണം ആരംഭിച്ച സീരിയലിന്റെ തിരക്കഥ കിഷോർ എബ്രഹാമും സംവിധാനം ജി ആർ കൃഷ്ണനുമാണ്.
വീഡിയോ കാണാം...
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
