മാളികമുകളേറിയ മന്നന്റെ തോളില് മാറാപ്പു കേറ്റുന്നതും ഭവാന്… എല്ലാം നഷ്ടപ്പെട്ട ജയലളിത തിരിച്ചു വരുമോ?
ബാംഗ്ലൂരിലെ പ്രത്യേക കോടതി മുറിയില് നിന്ന് പുറത്തേക്കുവന്ന ജയലളിയതെ കണ്ട് എല്ലാവരും എല്ലാവരും ഞെട്ടിപ്പോയി. തമിഴ്നാട്ടിലെ ആദായവില ഷോപ്പുകളിലും, ഫാര്മസികളിലും, ലാപ്ടോപ്പുകളിലും എന്നു തുടങ്ങി ഉപ്പു പാക്കറ്റിന് മേല് വരെ പതിഞ്ഞു കിടന്നിരുന്ന മുഖമാണത്.
അടുത്തയിടെ നടന്ന ലോക്സഭാ തെരഞ്ഞെടുപ്പില് രാജ്യത്താകമാനം ഗ്രസിച്ച മോഡി തരംഗത്തിലും ജയലളിത പിടിച്ചുനിന്നു. തമിഴ്നാട്ടിലെ 39 ലോക്സഭാ സീറ്റുകളില് 37 ഉം കരസ്ഥമാക്കാന് എ.ഐ.എഡി.എം.കെ യ്ക്ക് കഴിഞ്ഞത് ജയലളിതയുടെ ഭരണ നൈപുണ്യത്തിന്റേയും അവരുടെ ജനക്ഷേമ പദ്ധതികള്ക്കുളള അംഗീകാരത്തിന്റേയും ലക്ഷണമായാണ് വ്യാഖ്യാനിക്കപ്പെടുന്നത്.
ഇതേ ജയലളിതായാണ് ഇപ്പോള് പരപ്പന അഗ്രഹാര ജയിലില് 18 കൊല്ലം മുമ്പ് ചെയ്ത ദുഷ്കര്മ്മത്തിന് ഫലമനുഭവിക്കുന്നത്. വീഴ്ചകളും തിരിച്ചടികളും ജയലളിതയ്ക്ക് പുത്തരിയല്ല. ആരും കൈപിടിച്ചു നടത്തിയിട്ടല്ല, അവര് എവിടേയും മുന്നിലെത്തിയത്. രാഷ്ട്രീയത്തിലേയ്ക്ക് കൊണ്ടുവന്നത് എം.ജി.ആര്. ആണെങ്കിലും അവരുടെ സ്ഥിരോല്സാഹവും കഠിനാദ്ധ്വാനവും കൊണ്ടാണ് അവര് നേതൃസ്ഥാനത്തേയെക്കത്തിയത്.
ബ്രാഹ്മണ മേധാവിത്വത്തിനെതിരെ വെല്ലുവിളിയുമായി രൂപം കൊണ്ട എ.ഐ.എഡി.എം.കെ യുടെ തലപ്പത്തേക്ക് ജയലളിത എന്ന അയ്യങ്കാര് വനിത എത്തിയത് തമിഴകം കണ്ട ഏറ്റവും വലിയ വൈരുദ്ധ്യമായിരുന്നു. രാജീവ് വധത്തിനുശേഷം നടന്ന 1991-ലെ തെരഞ്ഞെടുപ്പില് എ.ഐ.എഡി.എം.കെ കോണ്ഗ്രസ് സഖ്യം തമിഴ്നാട് കീഴടക്കി. എന്നാല് ജനങ്ങളെ മറന്നുളള കളിയാണ് ആ അഞ്ചു വര്ഷങ്ങളില് ജയലളിത കളിച്ചത്. അന്നത്തെ അഴിമതിയുടെ വിലയാണ് ഇപ്പോള് ജയലളിത നല്കിക്കൊണ്ടിരിക്കുന്നത്.
ഒന്നരലക്ഷത്തോളം തമിഴ്നാട് സര്ക്കാര് ജീവനക്കാരെ ഒറ്റയടിക്കു പിരിച്ചുവിട്ടതും മാദ്ധ്യമങ്ങള്ക്കു നിയന്ത്രണം ഏര്പ്പെടുത്തിയതിനും ഏല്ലാം പുറമേ കുപ്രസിദ്ധമായ മതപരിവര്ത്തന നിരോധന നിയമം കൊണ്ടുവന്നതും ഇക്കാലത്താണ്.
2006-നും 2011 നും ഇടയിലെ ഡി.എം.കെ സര്ക്കാരിന്റെ അഴിമതികളാണ് ജയലളിതയ്ക്ക് വീണ്ടും ഭരണത്തിലേറാന് അവസരം നല്കിയത്. എന്നാല് എത്ര സ്വാധീനമുളള വ്യക്തിയാണെങ്കിലും കുറ്റം ചെയ്തിട്ടുണ്ടെങ്കില് ശിക്ഷിക്കപെടും എന്ന് ജയലളിതയിലൂടെ തെളിയുമ്പോള് ഇന്ത്യന് നിയമ സംവിധാനത്തിലും നീതിന്യായ വ്യവസ്ഥയിലുമുളള ജനതയുടെ വിശ്വാസം ഉറപ്പിക്കപ്പെടുകയാണ്. ഉന്നത കോടതികള് കുറ്റവിമുക്തയാക്കുന്നില്ലെങ്കില് ജയലളിത ആറുവര്ഷത്തേയ്ക്ക് തെരഞ്ഞെടുപ്പ് മല്സരകളരിയില് ഉണ്ടാവില്ല. ജനപിന്തുണയുളള ഒരു രാഷ്ട്രീയനേതാവിനും ആറു വര്ഷത്തെ ഇടവേള ഒരു വളിയ ഉടവേളയല്ല. തന്മൂലം ശക്തമായ യൗവനയുക്തമായ ഒരു പ്രതിപക്ഷം ഇല്ലാത്ത തമിഴ്നാട്ടില് ജയലളിത തിരിച്ചുവരാനുളള സാധ്യത ഉണ്ടെന്നു വിശ്വസിക്കുന്നവര് ഏറെയാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
