നെല്‍വയല്‍-തണ്ണീര്‍ത്തട നിയമ ഭേദഗതി ഭൂമാഫിയയെ സഹായിക്കാനാണെന്ന്​ യു.ഡി.എഫ്​ കണ്‍വീനര്‍ പി.പി തങ്കച്ചന്‍. രാജ്യസഭാ സീറ്റ് വിവാദം സംബന്ധിച്ച ചര്‍ച്ച യു.ഡി.എഫ്​ യോഗത്തിലുണ്ടായിട്ടില്ല. ഘടകക്ഷിയുടെ പരാതി പരിഹരിക്കാന്‍ ഉഭയകക്ഷി ചര്‍ച്ച നടത്തുമെന്നും അദ്ദേഹം പറഞ്ഞു.

സര്‍വ്വകക്ഷി സംഘത്തിന് പ്രധാനമന്ത്രിയെ കാണാന്‍ അവസരം നിഷേധിച്ചത് പ്രതിഷേധാര്‍ഹമാണ്​. ഇത്​ കേരളത്തോടുള്ള അവഗണനയാ​ണ്​. ഇതിനെതിരായി ജൂലൈ 17ന്​ രാജ്ഭവന്​ മുന്നില്‍ പ്രതിഷേധ ധര്‍ണ്ണ സംഘടിപ്പിക്കുമെന്നും തങ്കച്ചന്‍ പ്രതികരിച്ചു.