വരാപ്പുഴ ശ്രീജിത്തിന്റെ കസ്റ്റഡിമരണം... സിബിഐ അന്വേഷണം ആവശ്യപ്പെട്ടുള്ള ഹര്ജിയില് ഹൈക്കോടതി ഇന്ന് വിധി പറയും, ശ്രീജിത്തിന്റെ ഭാര്യ അഖിലയുടെ ഹര്ജിയിലാണ് ഇന്ന് വിധി പറയുക
വരാപ്പുഴ ശ്രീജിത്തിന്റെ കസ്റ്റഡി മരണത്തില് സിബിഐ അന്വേഷണം ആവശ്യപ്പെട്ടുള്ള ഹര്ജിയില് ഹൈക്കോടതി ഇന്ന് വിധി പറയും. ശ്രീജിത്തിന്റെ ഭാര്യ അഖിലയുടെ ഹര്ജിയിലാണ് ഇന്ന് വിധി പറയുക. സിബിഐ അന്വേഷണം എതിര്ത്ത് സര്ക്കാര് രംഗത്തുണ്ട്. അന്വേഷണം ശരിയായ ദിശയിലാണെന്നാണ് സര്ക്കാര് വാദം. സിബിഐ അന്വേഷണം ആവശ്യപ്പെട്ടുള്ള കേസ് കഴിഞ്ഞ വ്യാഴാഴ്ച കോടതി പരിഗണിച്ചിരുന്നു. കേസില് പൊലീസ് അന്വേഷണം ശരിയായ ദിശയിലല്ലെന്ന് സിബിഐ അന്ന് കോടതിയെ അറിയിച്ചിരുന്നു.
സംഭവത്തില് എസ്പിക്ക് പങ്കില്ലെന്ന് പറയാന് കഴിയില്ലെന്നും കേസന്വേഷണത്തിന്റെ തുടക്കം മുതല് പൊലീസിന് വീഴ്ച സംഭവിച്ചെന്നും സിബിഐ അഭിഭാഷകന് ചൂണ്ടിക്കാട്ടിയിരുന്നു. ഹര്ജി പരിഗണിക്കവെ ശ്രീജിത്ത് പൊലീസ് കസ്റ്റഡിയില് മരിച്ച സംഭവത്തില് മുന് റൂറല് എസ്പി എവി ജോര്ജിനെതിരെ ഹൈക്കോടതി വിമര്ശനം ഉന്നയിച്ചിരുന്നു. എസ്പിയുടെ ആര്ടിഎഫ് രൂപീകരണം നിയമവിരുദ്ധമല്ലേയെന്ന് ഹൈക്കോടതി ചോദിച്ചു. എവി ജോര്ജിന് അനുകൂലമായി സര്ക്കാര് നടപടി സ്വീകരിച്ചതിന് പിന്നാലെയായിരുന്നു ഹൈക്കോടതിയുടെ ചോദ്യങ്ങള്.
എന്ത് തെളിവിന്റെ അടിസ്ഥാനത്തിലാണ് ആര്ടിഎഫ് (റൂറല് ടൈഗര് ഫോഴ്സ്) ശ്രീജിത്തിനെ അറസ്റ്റ് ചെയ്തതെന്ന് ഹൈക്കോടതി ചോദിച്ചു. ആരുടെയും നിര്ദേശം ഇല്ലാതെ സ്വന്തം ഇഷ്ടപ്രകാരം ആര്ടിഎഫ് പ്രവര്ത്തിക്കുമോ. റൂറല് എസ്പിയുടെ നിയന്ത്രണത്തിലുള്ള ആര്ടിഎഫ് അദ്ദേഹത്തിന്റെ നിര്ദേശമില്ലാതെ ആരെയെങ്കിലും കസ്റ്റഡിയില് എടുക്കുമോ ഇഷ്ടപ്രകാരം പ്രവര്ത്തിക്കാന് ഇത് വെള്ളരിക്കാപ്പട്ടണം ആണോയെന്നും കോടതി ആരാഞ്ഞു.
https://www.facebook.com/Malayalivartha
