ലോകകപ്പില് അര്ജന്റീനയ്ക്ക് ഇന്ന് നിര്ണായക മത്സരമാണ്, കഴിഞ്ഞ മത്സരം തോറ്റതോടെ കേരളത്തിലെ ബ്രസീല് ഫാന്സുകാര് അര്ജന്റീനയുടെ അരാധകരെ ട്രോളുകയാണ്, നിക്കക്കള്ളിയില്ലാതെ അര്ജന്റീനയുടെ ചങ്ക് ഫാന്സ് ബ്രസീല് തോല്ക്കാന് വഴിപാട് നടത്തി
അര്ജന്റീന ക്രൊയേഷ്യയ്ക്കെതിരെ മൂന്ന് ഗോളുകള്ക്ക് പരാജയപ്പെട്ടതോടെ കേരളത്തിലെ ഫാന്സുകാരെല്ലാം നിരാശരാണ്. മെസി എന്നാ പണിയാ കാണിച്ചേ എന്ന് വരെ കട്ടഫാന്സ് പോലും ചോദിക്കുന്നു. കടുത്തനിരാശ കാരണം കോട്ടയത്ത് ഒരു ആരാധകന് ആത്മഹത്യ ചെയ്തു. ഇതില് നിന്ന് എങ്ങനെ അതിജീവിക്കുമെന്ന് അര്ജന്റീനയുടെ ചങ്ക് ഫാന്സിന് അറിയില്ല. ബ്രസീല് ഫാന്സുകാര് സോഷ്യല്മീഡിയയിലൂടെയും അല്ലാതെയും അര്ജന്റീനെ ട്രോളുകയാണ്. ചില ട്രോളുകള് കാരണം പുറത്തിറങ്ങി നടക്കാനാവാത്ത അവസ്ഥ പോലുമുണ്ട്. മെസി നല്ല നടനാണെന്നാണ് പ്രധാന ട്രോള്. എന്നാല് എങ്ങനെയും തിരിച്ചുവരുമെന്നും കപ്പടിക്കുമെന്നും മെസി പറഞ്ഞതിനെ യോദ്ധയിലെ ജഗതിയുടെ, തൈപ്പറമ്പില് അപ്പുക്കുട്ടന്റെ വീരവാദത്തോടാണ് ബ്രസീല് ആരാധകരും മറ്റും ഉപമിച്ചത്.
അതോടെ അര്ജന്റീന ഫാന്സിന് വാശിയായി. എങ്ങനെയും ബ്രസീലിനെ വീഴ്ത്തണം. ബ്രസീലും അവരുടെ ചങ്കായ നെയ്മറും തകരണം. അതിനായി കൊല്ലത്തെ അര്ജന്റീന ഫാന്സ് വഴിപാട് കഴിച്ചിരിക്കുകയാണ്. ബ്രസീല് തോല്ക്കാന് കൊല്ലം ചവറ, പന്മന കാട്ടില്മേക്കതില് ശ്രിദേവി ക്ഷേത്രത്തിലാണ് അര്ജന്റീന ആരാധകര് അര്ച്ചന വഴിപാട് നടത്തിയത്. വഴിപാട് കഴിച്ചതിന്റെ രസീസ് സമൂഹമാധ്യമങ്ങളിലൂടെ പ്രചരിപ്പിക്കാനും അര്ജന്റീനയുടെ ആരാധകപ്പട മറന്നില്ല. നൈജീരിയയ്ക്കെതിരെ ഇന്ന് അര്ജന്റീനയ്ക്ക് നിര്ണായക മത്സരമാണ്. അതിനുള്ള പ്രര്ത്ഥനകളും ഫാന്സ് നടത്തുന്നുണ്ട്. ഇന്നൂടെ ജയിച്ചില്ലെങ്കില് പിന്നെ വീരവാദം മുഴക്കാന് കാവിലെ പാട്ട് മത്സരം പോലുമില്ലെന്നാണ് ബ്രസീല് ആരാധകര് മുന്നറിയിപ്പ് നല്കിയിട്ടുണ്ട്.
https://www.facebook.com/Malayalivartha
